Malango 31:8 - Amazwi Yakwe Leza 2013

⁸ Yawe umwisikuli amamukolelelanga nupya amayanga namwe. Atalatala amusye nanti ukumutazyela. Mutuvwa intete nanti kutovoka.”

Malango 31:8 Referans Kwoze

Kufuma 33:14

Lyene Yawe avwanga ati, “Nene nemwisikulu namapita nawe, nupya nkalenga kuti uye nu mutende.”

Malango 31:6

Posyini nupya muzyansye. Mutezya ukuyoopa nanti ukuzakaza, pano Yawe Leza winu amaya namwe. Wene atalatala amusye nanti ukumutazyela.”

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

1 Milandu 28:20

Davidi anena Solomoni umwana wakwe ati, “Uposye nupya uzyansye kuti uombe umulimo uu. Utuvwa intete nanti kutovoka, pano Yawe, Leza wane, ali nawe. Wene atalakutazyela nanti kukusya, mpaka uce umale umulimo onsi wa Ng'anda ikulu yakwe Yawe.

Malango 9:3

Lelo ilelo mumasininkizya ukuti Yawe Leza winu aliwe akamukolelela wa cimbilimbili ca moto icikaonona. Wene ali nu kuyacimvya cakuti mulayazinga nu kuyonona pyu zuwazuwa, wakwe vino wene walavile.

Malango 31:3

Yawe Leza winu umwisikulu amamukolelela pa nkolelo nu konona inko zyonsi izikala mwenemo, pakuti mupoke impanga ilya mwikale mwenemo. Yoswa alaya intunguluzi inu, wakwe vino Yawe watavwanga.

Ayebulai 13:5

Mwaikala umi uwa kuntatemwisya impiya, mwalola ukuti vino mukweti vyamukwana. Pano Leza wati, “Ntalatala imusye nanti kumutazyela.”

Utandiko 28:15

Ndakucingilila konsi kuno ulaya, nupya ndakuwezya ku mpanga kwene ii. Intalakusya mpaka nkafikilizye vyonsi vino nakulaya.”

Malango 4:31

Pasi pano Yawe Leza winu a Leza uwa mizu. Wene atalamutazyela nanti ukumonona, nupya atalilila upangano uno umwisikulu wacisile ni vikolwe vinu.

Malango 20:1

“Ndi mwaya ku kulwa inkondo, mwalola ukuti anisi inu pamwi ni vilwilo vyao ivya nkondo ivili wa maceleta, ni mfwalasi, vyaluta iviinu ku wingi, mutakuvwe intete. Pano Yawe Leza winu, uwamufumizye mu Eguputo alaya namwe.

1 Yamwene 11:38

Ndi cakuti umayelanga vyonsi vino nkukupeela ilamulo, nu kupita umu nzila zyane, nu kucita vino nemo nkalonda, apa kusunga ivyeo na malamulo yane wakwe vino Davidi umuomvi wane wacitanga, lyene alino namayanga nawe insita yonsi. Alino ndakulasika pa wene wa Izlaeli, nupya ndaleka kuti aizikulu yako yateeka wakwe vino nacitile Davidi.

Yelemiya 32:40

Ndapangana nayo upangano wa pee uwakuti ntalatala inte ukuyacitila ivizipe, ndiika ni coopo ca koopa umu myenzo yao, apakuti yatakantaluke nupya.

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Mpendwa 13:9

Ukufuma mu mutundu wakwe Benjamini, a Paliti umwana umonsi wakwe Lafu.

Malango 31:23

Lyene Yawe apeela ilamulo lii kuli Yoswa umwana umonsi wakwe Nuni, ati, “Uposye nupya uzyansye. Pano wewe uli nu kutungulula aina Izlaeli ku kupoka impanga ino nayalavile nu mulapo, nga nani namayanga nawe.”

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.

1 Yamwene 6:13

Nemo lyene ale namaikalanga pakasi ka antu yane mu Ng'anda ikulu yakwe Leza iya kwene iyakupepela mwenemo, ino ukunkuulila. Nupya ale ntalatala intazyele antu yane aina Izlaeli.”

1 Yamwene 8:57

We Yawe Leza witu sungala walukuya naswe, wakwe vino wayanga ni vikolwe vitu. Cingazipa ukuti utatutazyela nanti ukutufutatila.

1 Milandu 22:13

Ndi cakuti wayela amasunde ni vipope vyonsi vino Yawe wapile Mose kuti anene aina Izlaeli, lyene ulaya nu longo. Posya nupya uzyansye. Utuvwa intete nanti kutovoka.

Masamu 94:14

We Yawe, utange utazyele antu yako, utange usumbe antu ali yakwako mpo.