Malango 3:19 - Amazwi Yakwe Leza 2013

¹⁹ Suka sile aci inu, na ana inu, ni viteekwa vinu (namanya ukuti mwakwata iviteekwa vivule wakwe cimwi) yene yangasyala mu misumba ino namupeela.

Malango 3:19 Referans Kwoze

Kufuma 12:38

Impendwa ikulu ya antu yauze, nga ni mfwele, imbuzi nga ni ng'ombe zingi yapita navyo.

Yoswa 1:14

Acino fwandi aci inu, na ana inu, pali pamwi ni viteekwa vinu, yene yali nu kusyala kuno mbalama ku mpanga ino Mose wamupeela lwaku ufumondaka wa Luzi lwa Yodani. Lelo ivita vinu, vyonsi vino vyativiipangasya ku kulwa inkondo, vilinzile kulamba luzi lulu nu kukolelela anyonko aina Izlaeli kuti vikayazwilizye ukulwa inkondo.

Mpendwa 32:16

Lyene nayo iyapalamila Mose iyamunena yati, “Utale fwandi utuzumilizye kukuula amaluwa ya viteekwa vitu ni misumba mwakuti aci itu na ana itu yatundumale.

Mpendwa 32:26

Aci itu pamwi na ana itu pamwi ni ng'ombe ni mfwele yalasyala yakwikala mu misumba ya kuno ku Gileadi.