Malango 29:29 - Amazwi Yakwe Leza 2013

²⁹ “Kwaya kweneko ivintu vimwi vino Yawe Leza witu atatusokolwela. Lelo wene watusokolwela amasunde yakwe, nga sweswe pamwi na amu mupanda witu tulinzile twayayela amanda pe.”

Malango 29:29 Referans Kwoze

Danieli 2:22

Wene akasokolola ivintu ivizike nupya vya nkama. Wene amanyile ivyafiswa mu mfinzi, nu luswepo lwamuzinguluka monsi.

Milimo 1:7

Yesu ayaasuka ati, “Uwanda na kasita vyateyanyiziwa sile na Tata ku maka yakwe, nupya usi mulandu winu kumanya lino vintu vii vilacitika.

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

1 Kolinto 2:16

Cili ndi vino calembwa mu malembelo cati, “Uzye aweni uwamanya melenganyo ya Mwene? Uzye aweni angamupanzya mano?” Lelo swemo twakwata kwelenganya kwakwe Klistu.

Masamu 25:14

Yawe akasokolwela inkama zyakwe kuli yao akamoopa, nu kuleka upangano wakwe umanyike kunoyali.

Amosi 3:7

Cumi kwene Yawe asicita icintu nanti cimwi ukwaula kuumbula uteyanyo wakwe, kuli yakasema aomvi yakwe.

2 Timoti 3:16

Mazwi yonsi amu malembelo yene yafuma kuli Leza nupya yakaomviwa mu kusambilizya cumi, kukanya kuluvyanya, kulungika kuluvyanya, nga nu kupeela utunguluzi ku antu pa kucita vyawololoke.

Danieli 4:9

We Belitesyazali, mukalamba wa mamanyamano, manyile ukuti umupasi wakwe yaleza amuzilo uli munuli nu kuti wemo wamanya vyankama vyonsi. Acino imunena iciloto cane nu kuti andondolwele muno ciile.

Yelemiya 23:18

Nga alino nani navwanzile inti, “Pasi nanti wenga pali yakasema yaa wino watala wamanya inkama zya melenganyo yakwe Yawe. Pasi nanti wenga wino watala uvwa nanti ukutezya ilamulo lyakwe, nanti sile ukuvwa nu kusumba amano kuli vino akavwanga.

Mateo 13:35

Cii cacitike pakuti cifikiliziwe cino kasema wavwanzile ati, “Ndavwanga kunoyali mu milumbe, Ndasokolola vintu vino vyafiswa kufuma ku utandiko wa nsi.”

Yoane 15:15

Ntalamwama wa yaomvi nupya pano muomvi asimanya cino mwene wakwe akucita. Lelo nkamwama yacuza, pano nati munena vintu vyonsi vino nuvwile kuli Tata.

Ezaya 8:20

Umu cumi vii ali vino yalalanda. Lelo mwemo muce mwayasuka muti, “Uvwini vino Yawe akumusunda!” Ala mwemo mutauvwa kuli yano yakumuuzizya imilandu uku mipasi. Vino yakumunena vitalamuombela icisuma nanti conga.

Mapinda 3:32

pano Yawe wapata umuntu akaifya uku mufulo, lelo aololoke ali yakundwe yakwe.

Yobo 28:28

Fwandi lyene ali vino wanenyile nu muntunze ukuti, ukuya ni coopo kuli Leza ali kukwata amano, nu kufuntuka uku kucita iviipe, ali kwiluka.”

Malango 6:7

Mwayasambilizya ku yana yinu. Mwayataka lino mutenzi pa ng'anda, lino muli pa lwendo, lino mukupuza na lino mukuomba.

Yoane 20:31

Lelo vii vyalemvilwe kuti mutaile vino Yesu ali Katuula, Mwana wakwe Leza, nga nu mukutaila munoli muye nu umi wape.

Malango 30:2

Ndi cakuti mwemwe pamwi na amu mupanda winu mulaweluluka kuli Yawe nu kuyela ni myenzo inu yonsi nu umi winu onsi amalamulo yano nkumupeela ilelo,

2 Timoti 1:5

Nkaiusya utailo uwa mpomvu uno wakwata, nupya uno nyokokulu Loisi pamwi na nyoko Yunisi yakweti. Nkusininkizya ukuti nawe kwene ukweti.

Yoane 21:22

Yesu amwaasuka ati, “Ndi nkasi kuti alali kufika na lino ndiza, uzye cikupazi? Wemo ndondela.”

Yoane 5:39

Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.

Milimo 17:11

Antu ya kuku yene yali atekele kuluta aku Tesalonika. Yakutike kwi landwe nu muzonda, na cila wanda yasambililanga amalembelo pa kusininkizya vino Paulo walandanga ndi vya cumi.

Utandiko 41:16

Yosefu azumila ati, “Nemo ntangacita cico, lelo Leza amapeela wilulo usuma kuli Falao.”

Mapinda 25:2

Ukufisa umulandu ucindami wakwe Leza, ukulola umulandu luse luse, ali ucindami wakwe yamwene.