Malango 28:62 - Amazwi Yakwe Leza 2013

⁶² Nanti angala mulavula wa ntanda umwiyulu, anono sile alapusuka, pamulandu wakuti mwakana ukuyela Yawe Leza winu.

Malango 28:62 Referans Kwoze

Neemiya 9:23

Wasandulwile ana yao aonsi kwati intanda zya mwiyulu, nu kuyatwala umu mpanga ino walavile kupeela ivikolwe vyao. Yingile mwenemo nu kupoka yaiposile.

Malango 10:22

Ivikolwe vinu vino vyatentemukile ku Eguputo vyali sile antu amakumi cinimbali. Lelo ndakai Yawe Leza winu uwalenga kuti musande wa ntanda zya mwiyulu.

Malango 4:27

Yawe alamusalanganyizizya mu nko zyuze, kuko kuno yanono sile amunomuli yalapusuka.

Mako 13:20

Lelo Mwene ndi atacefizyeko manda yalya, kusi nanti umwi angatuulwa. Lelo pamulandu wa asololwe yakwe, Leza wacefya manda yalya.

Yelemiya 42:2

Yamunena yati, “Twapapata, uvwa vino tukulenga. Utupapatileko kuli Yawe Leza wako. Swe antu twali nyanya, lyene tusile sile incepelwa, ndivino nawe kwene ungailolela we mweneco.

Ezaya 24:6

Asi papo Leza lyene watatipwila insi apakuti iononeke. Antu kwene aikazi yamwenemo, ali yano yatiyailetelela aeneco kwene. Ali mulandu kwene uno lyene insyazi zyakunzi zyatizitandika ukucepela kweneko.

Neemiya 7:4

Yelusalemu wali umusumba ukalamba. Lelo antu anono sile yikalanga mwenemo, nga na mang'anda avule walanga yatacili yakuulululwe.

2 Yamwene 24:14

Nebukadineza ali pakusenda na ikazi yamu Yelusalemu kwene, kuli kuti yacilolo yakwe na asilika yonsi, nga na yafundi ya milimo. Yonsi pamwi yafisile uku mpendwa ukulingana amazimbi ikumi. Wene wasendenkinye kumwi na antu yonsi alamoke, ali wakwe yakasula. Lelo asya sile apina yatupu umu mpanga yakwe Yuda.

Ezaya 1:9

Yawe Wamaka yonsi akana ukusya antu yamwi apuma, awe cumi Yelusalemu ngano ononeka ntanzi ntanzi, vivi kwene sile vino cali kuli Sodoma na Gomola.

2 Yamwene 13:7

Apa nsita iyo Yeowazi atakweti ivita ivingi. Walanga pasyala sile ivita ukufika nu kumpendwa ya makumi yasano, yao aomvyanga imfwalasi, alino amaceleta ikumi lyonga nga alino ni vita vyapansi navyo amazimbi ikumi. Icalenzile vivyo vyonsi umulandu wakuti umwene waku Asilya walanga wakoma ivita nyanya nu kulavilyatola ungati akulyatola ulukungu.

Aina Levi 26:22

Indi nukulenga ivilyanyi vikali kwiza pakasi kinu. Lyene ivilyanyi vivyo vilume ana inu nga vyonone ni viteekwa vinu, nu kumusya impendwa inono sile, cakuti miseo isyale sile.

Malango 1:10

Yawe Leza winu uwalenga kuti muvule wa ntanda umwiyulu.

Malango 1:11

Si Yawe, Leza wa vikolwe vinu, aleke muvulileko amaila izimbi nu kumipolelela wakwe vino walavile!

Ezaya 6:11

Alino nani namuzya nati, “Ale lyene fwandi we Mwene, icintu cii cilapelela pi?” Nga nawe angasuka ati, “Ukufika sile na pano imisumba ilononeka isyale amatongwa. Ukufika sile na pano amang'anda yalononekela yasyale sile ivipompa. Alino nupya ukufika sile na pano impanga ilasyalila amapooli.

Ezaya 6:13

Nanti umu mpanga mwasyala umuntu wenga pa antu ikumi lyonga, nawe kwene ndamulovezya kumwi. Wene alasyala sile wa cisiki ca muoko cino yacentula.” (Cisiki cico cilaya wa cimanyililo cakutandikila cipya cipya uku antu yakwe Leza.)

Amosi 5:3

Yawe Simwandalali wavwanga wati, “Umusumba uwamu Izlaeli uwalile iupita uku nkondo ni vita izimbi lyonga ulasyala na antu umwanda onga sile. Nupya umusumba uwalile iupita ku nkondo ni vita umwanda onga, ulasyala na antu ikumi lyonga sile.”