Malango 28:25 - Amazwi Yakwe Leza 2013

²⁵ “Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Malango 28:25 Referans Kwoze

Ezekelo 23:46

Yawe Simwandalali wavwanga wati, “Lekini yayakolonganike mwi umba lya antu uleke amuno yize yayofye yayasampe ni vyuma vyao.

Ezaya 30:17

Antu inu izimbi lyonga yalapuuka, apakulola sile icita conga ca anisi inu. Alino ivita visano sile ivya anisi inu vilakumana pakumuzinga mwensi pyu. Api umba lya vita vinu patalasyala akantu nanti konga, suka sile imendela inu aino ilyasyala ikupepela sile apa mwamba!

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Malango 28:7

“Yawe alamucimvizya anisi inu lino yalamuzanza. Yene yalamuzanza ukufuma mu ntunga zyonsi, lelo yalutuka ku ntunga zyonsi.

Malango 32:30

Uzye pacani cino umuntu wenga sile wacimvizye antu izimbi, nga na antu yaili sile nayo yacimvizye antu amazimbi ikumi? Apamulandu wakuti Yawe, Leza wao, wayafutata. Leza wao uwamaka yonsi wayatazyela.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Yelemiya 34:17

Caleka lyene Yawe wavwanga wati, “Mwatimukana ukunguvwa, mwakana nu kupeela untungwa cila muntu uku anyonko nu ku auzo. Icisuma fwandi, nemo namamusunkilizya umu nkondo, uku mpungo nu ku cipowe. Namamuletela na kasokonda uku wene uli onsi uwa pano nsi.

Yelemiya 29:18

Ndayazinganya nu lupanga, ni cipowe nga ni mpungo. Ndayaletela intete ni ngofyo uku wene uli onsi wa pano nsi. Yalaya antu yamwi atipwe, akuwelwa nupya azewane mu mitundu yonsi muno nayasalanganyizizye.

Yoswa 7:4

Acino aonsi aileko yali manye pipi na mazimbi yatatu, lelo yayacimvizye ku ina Ai,

Yakapingula 2:14

Nawe Yawe pasi pa kusokela aina Izlaeli nga ayapeela mu makasa ya azanzi nayo iyayasampa vyonsi vino yakweti. Wene wayisile mu maka ya anisi yao ukuzinguluka konsi, nga yatali na maka akuyacimvya nupya.

1 Samueli 4:10

Acino aina Filisti iyalwa, iyasuka iyacimvya aina Izlaeli, yao autukile kumwao. Kwali ukucimviwa kukulu wakwe cimwi, nga asilika ya pa ngazo, aina Izlaeli akomilwe yali amazimbi amakumi yatatu.

1 Yamwene 8:33

“Antu yako aina Izlaeli ndi yayacimvya ku anisi yao, pamulandu wakuti wemo yakuluvyanya, lelo ndi cakuti yaweluluka kunuli, yatandika nu kukuwanzya, nu mu ng'anda ino yiza ingila, yamapapata pakuti uyayele uluse,

2 Milandu 28:8

Aina Izlaeli yasenda akazi kao aku Yuda wa anyepwe, ni mpendwa yao yali 200,000, anaci pamwi na ana aonsi na anaci kwene. Yasenzile ni visampwe nyanya, vino yatwazile ku Samaliya.

2 Milandu 29:8

Caleka ukali wakwe Yawe iuponela pa antu amu Yuda nu mu Yelusalemu kwene. Nga antu yonsi yapeziwa amano nu kuvwa intete pali vino wene wacita kunoyali.

Yelemiya 19:7

Mu cifoloma kwene cico ali muno navulunginye amapange ya antu aku Yuda na aku Yelusalemu. Namaleka ukuti anisi yao yayacimvye umu nkondo, nu kuyakoma ali muno yayakomele. Namaleka ukuti ivyunyi ni vinyama vya mpanga ali vino vyalya ivyala vyao.

2 Milandu 6:24

“Antu yako aina Izlaeli ndi cakuti anisi yao yayacimvya pamulandu wa kukwifya nga lino yazenzuka nu kwama api zina lyako, yala yakupepa nu kupapata apa manso yako umu Ng'anda kwene ii ikulu,

Oseya 8:3

Lelo aina Izlaeli yakana ivisuma. Acino anisi yao yalayacocovya.