Malango 28:13 - Amazwi Yakwe Leza 2013

¹³ Yawe Leza winu alamucindamika muye intunguluzi pakasi ka antu amu nko zyuze, nga lelo mwemo mutalayalondela icisila. Insita zyonsi mulaya alongo nga nupya mutalatala muposiwe, cikulu sile mwayela amalamulo yonsi yano nkumupeela ilelo.

Malango 28:13 Referans Kwoze

Malango 28:1

“Ndi cakuti mwaca mwayela Yawe Leza winu muli vyonsi nu kutekela apakulondela amalamulo yakwe yonsi yano nkumupeela ilelo, ale lyene Yawe Leza winu alamucita ukuya uluko lumwi ulukulu ukuluta inko zyonsi pano nsi.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Malango 15:6

Yawe alamupolelela wakwe muno walavile. Mulakongwesya impiya ku antu amu nko izingi, lelo mwemo mutalaazima nanti acimwi kunoyali. Mulateeka inko izingi, lelo kusi uluko ululamuteeka.

Malango 26:19

Mwemo alaleka muye uluko lukulu ukuluta antu amu nko zyuze yano waumba, nga namwe mulamulumbanya nu kumucindika.

Malango 28:43

“Ainamasi alaikala mu mpanga inu yalacindamilako sile cila wanda, namwe ale mukusaalukilako sile cila wanda.

Malango 28:44

Yene yalakwata impiya izya kumukongwesya, lelo mwemo mutalakwata nanti akamwi aka kuyakongwesya.

Yelemiya 31:7

Pano Yawe wavwanga wati, “Imbilini Yakobo nu luzango, mumilini tupundu twa nsansa. Zangilini ntunguluzi ya mitundu. Pongomokini, lumbanyini, mupunde muti, ‘Yawe watakulula antu yakwe, impondo zyakwe Izlaeli.’

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”