Malango 23:5 - Amazwi Yakwe Leza 2013

⁵ Lelo Yawe Leza winu wakanyile ukuvwa intipu zyakwe. Mucifulo cakwe cico wene wasenwile intipu kuti zingaya upolelelo, pamulandu wakuti Yawe Leza winu watemwa mwemwe.

Malango 23:5 Referans Kwoze

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Mpendwa 24:9

Yene yakateyamila wakwe cisama wakalume nanti wakaci. Nga aweni angezya ukumuvulumula? Ali cino fwandi amakupolelelanga, apolelelwe nawe kwene, Na wensi amakutipwilanga, atipwilwe nawe kwene.”

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

Loma 11:28

Pano yakana Ilandwe Lisuma, Ayuda yaya anisi yakwe Leza pamulandu wakwe mwemwe mwe Akulukuwa. Lelo pamulandu wakuti Leza uwayasolwile, Ayuda yene a yacuza yakwe pamulandu wa vikolwe vyao.

Mika 6:5

Mwe antu yane, iusyini vino Balaki umwene waku Moabu, walondanga kucita kuno muli, nga na vino Balamu umwana umonsi wakwe Beoli wamwaswike. Iusyini ivintu ivyamucitikile, apa lwendo lwinu lwakufuma ku Syitimu nu kuya ku Giligali. Iusyini ivintu vii vyonsi kuti mumanye vino ne Yawe namucitile apa kumutuula.”

Yelemiya 31:3

Yawe watulolekile ukutali ati, “Namutemwa citemwiko camuntasila ali cino nemo natwalilila nu kumucitila uluse lyonsi.

Ezekelo 16:8

“Nga lino napisile umupipi nawe, nakulolekesya, nazana nu kuti insita yako iya citemwiko, yatifikila. Alino niza navungulula isempe lya cikuwalo cane, nakuvimbilikizya apakufisa impamba zyako, pano wali tupu. Nga lino nalapa nu mulapo wakupingana nawe upangano pano lyene waya wewe wane.” Vii, ivyalanda ne Yawe Simwandalali.

Mapinda 26:2

Vino katiti kakapontomoka na kamimbi nako ikafuma ikapapuka, ali vino ni ntipu zino yakatipwila umuntu wakaele, zitalatala zimulematile.

Masamu 73:1

Cumi kwene, Leza umusuma ku ina Izlaeli, uku antu akwata imyenzo iyakaele!

Malango 33:3

Yawe watemwa antu yakwe nupya akacingilila akwakwe Acino twafukama pa ngazo zyakwe nu kuyela amasunde yakwe.

Loma 9:13

Acino calembwa mu malembelo cati, “Natemilwe Yakobo, Esau namupasile.”

Mpendwa 22:35

Lelo mungeli amunena ati, “Pitangini na antu yayo, lelo utakezye ukulanda akantu nanti kamwi, suka sile cino natinkunena ukulanda.” Acino Balamu apita ni nkombe zino Balaki watumile.

Malaki 1:2

Yawe akuti, “Nemo natemwa mwemwe.” Lelo mwemo mukati, “Uzye mwatutemwa uli?” Yawe wavwanga wati, “Uzye Esau atali umwina wakwe Yakobo? Nemo nasola Yakobo.

Malango 4:37

Pamulandu wakuti watemilwe ivikolwe vinu, wene wamusolwile, nga mu maka yakwe akulu amufumya mu mpanga ya Eguputo.

Yoswa 24:10

Lelo nemo nakanyile ukuvwa Balamu. Caleka wene atwalilila kupolelela mwemwe, nga nani impususya mwemwe mu makasa yakwe Balaki.

2 Samueli 16:12

Cingaya limwi Yawe angalola ulanda wane nu kundandwila ivisuma pa ntipu zino natipwilwa api lelo.”

Neemiya 13:2

Icintu cico catandike pamulandu wakuti yene yakanyile ukupeela aina Izlaeli amanzi ni vyakulya lino yali apa lwendo lwakuya ku Eguputo. Yene yatozile ulupiya yalipila nu kuonga Balamu apakuti atipwile aina Izlaeli. Lelo Leza wasenwile intipu zyakwe Balamu iziya upolelelo.

Mpendwa 22:5

atuma inkombe zyakuya ama Balamu umwana wakwe Beoli, wino wali ku Petoli, pipi nu Luzi lwa Yufulate mu mpanga ya kumwao, ya Amawu. Amutumila ati, “Umutundu uno wafuma ku Eguputo watiulimba impanga nupya watiwiza iunteyamila.

Malango 2:29

suka tuce tulambe nu Luzi lwa Yodani, twingile nu mpanga ino Yawe akupeela kunotuli. Amu mupanda wakwe Esau, yano yakaikala mu Edomu, na aina Moabu, yano yakaikala mu Ali, yene yatuzumilizye ukupita mu mpanga yao.’