Malango 2:34 - Amazwi Yakwe Leza 2013

³⁴ Lilyo kwene itupokolola nu konona imisumba yakwe yonsi, nu kukoma antu onsi, aonsi, anaci, na ana kwene. Tutasile nanti wenga uwa mbezu.

Malango 2:34 Referans Kwoze

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”

Malango 7:2

Lino Yawe Leza winu wapeela antu yaa mu makasa inu nga namwe mwayacimvya, lyene mulinzile kukoma yonsi kwene. Mutaezya ukucita cipangano nayo nanti ukuya na mizu kunoyali.

Malango 3:6

Naswe itonona imisumba yonsi nu kukoma aonsi yonsi, na anaci, na ana kwene, wakwe vino twacisile Siooni umwene waku Hesyiboni.

Yoswa 11:14

Aina Izlaeli iyasampa ivintu vyonsi ivyali mu misumba ii kumwi ni viteekwa, lelo antu yene iyayakoma yonsi pyu, ukwaula ukusya nanti wenga umupuma.

Yoswa 7:11

Aina Izlaeli yatiyifya. Yatiyaluvyanya Upangano wane uno nayapile ilamulo kuti yausunge. Yene yatiyatola ivintu vimwi vino vyapeelwa ku kononwa. Yene yatiyaviya, yatiyatumpoka, yatiyavifisa mu viya vyao.

Malango 7:26

Mutaca mwezye ukuleta akaluwi nanti konga mu mang'anda inu, pano limwi intipu izili pano yali zingaya panomuli. Mulinzile kupata nu kusausya utuluwi tuu, pamulandu wakuti Yawe watutipwila.

Yoswa 9:24

Nayo yaasuka Yoswa, yati, “Mukwai swemo tuvwile ukuti Yawe Leza wako wapile ilamulo kuli Mose kuti apeele mwemwe impanga yonsi nga nu kulovya aikazi ya mwenemo yonsi pyu. Acino fwandi lino twaweni ukuti mwapalama, imyenzo itu itatenzi nu kuzakaza. Uli mulandu uno twacitile vivyo.

Yoswa 6:21

Alino yapeela umusumba ulya kuli Yawe kuti wononwe nga ku malupanga yano yali nayo iyakomola ivyaumi vyonsi mu musumba, aonsi na anaci, ance na akote, ni ng'ombe, ni mfwele, nga na yapunda kwene.

Yoswa 10:28

Pa wanda uli umwi kwene Yoswa apokolola umusumba wa Makeda nga akomola aikazi ya mwenemo yonsi pyu kumwi nu mwene wauko. Atasile umuntu nanti umwi umupuma. Wene wacitile umwene waku Makeda wakwe vino wacitile umwene waku Yeliko.

Yoswa 10:40

Acino Yoswa acimvya impanga ilya yonsi, ukwika kumwi ni mpanga ya myamba, ni ya Negebu, ni misana ya twamba yaku uwondaka, ni mitentemuko ya myamba, kumwi na yamwene yonsi. Atasile umuntu nanti umwi umupuma. Wene wononyile consi icikafuta, wakwe vino Yawe, Leza wa ina Izlaeli wapile ilamulo.