Malango 18:12 - Amazwi Yakwe Leza 2013

¹² Yawe wapata umuntu ali wensi wino akacita vintu vii vyawinyi, nupya uli mulandu uno wene akuzinga inko zizi mu mpanga ilya lino mwemo mukuya pa nkolelo.

Malango 18:12 Referans Kwoze

Aina Levi 18:24

“Mutailenga kuya amifitalila pa kucita vintu vii. Pano avino akulukuwa yailenga ukuya amifitalila. Akulukuwa yano yakwikala mu mpanga ino mutacili mwingilemo, yano Yawe akufumyamo kuti mwingilemo.

Malango 9:4

“Pacisila lino Yawe Leza winu watayazinga mu mpanga pa manso inu, mutaca mwezye kulanda mu myenzo inu ukuti Yawe wamuleta kuno kuti mupoke impanga ii iye iyakwinu pamulandu wakuti mukacita ivyawololoke. Awe, asi vivyo. Lelo a pamulandu wa ukakasi wa antu amu nko zino Yawe akuzinga pa manso inu.

Aina Levi 18:27

Mwensi mwe ina Izlaeli nanti ainamasi akaikala pakasi kinu, mulinzile kusunga malamulo yakwe Yawe.

Aina Levi 18:25

Micitile yao yalenzile kuti mpanga iye iyamifitalila. Caleka Yawe watavunuka impanga pakuti azinge antu yano yakaikalamo wakwe vino umuntu akaluka cilyo iciipe.

Malango 14:27

“Mutakezye ukutazyela aina Levi yano yakaikala mu misumba inu. Yene yatakwata impanga pali vino vyankanyiziwe.

Ezekelo 31:11

nemo naupiile mu makasa ya ntunguluzi ya antu ya mitundu yuze, kuti iyapezye ukulingana ni micitile yao iyankota.

Malango 9:5

Asi pamulandu wakuti mwemo mukacita ivyawololoke nanti kuya ni miyele isuma icingalenga kuti mwemo muyapoke impanga. Lelo pamulandu wa ukakasi wa antu amu nko zii, Yawe Leza winu alayazinga mu mpanga ilya pa manso inu, kuti afikilizye cino walavile ku vikolwe vinu, Abulaamu, na Isaki na Yakobo.

Malango 22:5

“Anaci yatalinzile kuzwala vyakuzwala vya onsi, nga aonsi nayo yatalinzile kuzwala ivyakuzwala vya anaci. Yawe Leza winu wapata yao akacita vintu ivyamusango uu.

2 Yamwene 23:24

Mu manda kwene yayo Yosiya wazinzile antu yonsi auzyanga uku mipasi ya antu afwe na asapolanga umu mpanga yaku Yuda nu mu Yelusalemu kwene. Wafumizye nu tuluwi tuno yapepanga wakwe tuleza, tuto tonsi utwali umu ng'anda pamwi ni vintu vyonsi vino antu atamanya Yawe yaomvyanga apa kupepa. Wene wacisile cii apa kufikilizya amasunde amu lupapulo luno Simapepo Mukulu Hilikiya wazanyile umu Ng'anda ikulu yakwe Yawe.