Malango 10:8 - Amazwi Yakwe Leza 2013

⁸ Pa nsita kwene iya Yawe wapaatwile amu mutundu wakwe Levi kuti yangaya yakasenda ya Mbokosi ya Upangano yakwe Yawe. Nu kuti yaimilila inkolelo yakwe Yawe nu kumutumikila, yala yakutaka upolelelo umwi zina lyakwe, wakwe vino yakacita na pilelo kwene.

Malango 10:8 Referans Kwoze

Malango 21:5

Yasimapepo aina Levi, nayo kwene yalinzile ukuya kweneko, pamulandu wakuti yalinzile kupingula mulandu onsi ukumile kukalala. Yawe Leza winu wayasolola kuti yamutumikila nu kulanda upolelelo pa antu umwi zina lyakwe.

Malango 18:5

Pano Yawe Leza winu uwasolola umutundu wa ina Levi kuti wamutumikila wakwe yasimapepo amanda pe.

Mpendwa 4:15

Lino Aaloni na ana yakwe yalamala kuvimbilikizya vintu vyamuzilo pamwi ni viombelo vyonsi, lyene ali lino ana yakwe Koati yali nu kwiza vikusya. Lelo yatalinzile kukumya ku vyamuzilo, pano ndi yacita vivyo yalafwa. Fwandi aluko lwakwe Koati yalinzile kusenda viya vya mwi Taalu lya Ukongano lyonsi lino yakulisezya.

Mpendwa 3:6

“Leta amu mutundu wakwe Levi, nu kuyapeela mu makasa yakwe Aaloni pakuti yatumikila wakwe yasimapepo.

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

Yelemiya 15:19

Caleka Yawe avwanga ati, “Ndi cakuti waweluluka kunondi, ndakuwezya ku mulimo wakuntumikila. Ndi cakuti walanda vyampomvu, ivisi vyasilesile, lyene ulaya wa mulomo wane. Antu yaa yalaweluluka kunuli, lelo wemo citalinzile ukuya kunoyali.

2 Milandu 30:27

Yasimapepo na ina Levi yuzizye upolelelo wa mwene Leza Yawe apa antu. Ukwakwe, ukwiyulu, Yawe auvwa amapepo yao nga aasuka.

1 Milandu 15:26

Lyene antu yayo yafyula yacipambasi cinimbali na yasuku cinimbali, kuti yapeele impolelwa kuli Leza apakuti aazwilizye aina Levi yano yanyemwile nu kusenda Mbokosi ya Upangano yakwe Yawe.

Aina Levi 9:22

Lino Aaloni wamala ukupeela amawila yonsi akwelela amaifyo, na akoca, na mawila autandano, akatusya makasa yakwe pa antu ayapolelela, alino aika pa kavuwa.

Galatiya 1:15

Lelo Leza mu cikuku cakwe wene wansolwile na lino ntali kuti mvyalwe. Wene wangamile kwiza mutumikila.

2 Kolinto 6:17

Nupya Mwene wavwanga wati, “Yatini, nupya fuminiko kuno yali! Mutakumya cintu cikowele cili consi. Lyene ndamuzengela

Loma 12:7

Ndi twapelwa uwila wa kutumikila, mu cumi tulinzile kutumikila. Ndi twapelwa uwila wa kusambilizya, mu cumi tulinzile kusambilizya.

Loma 1:1

Kalata kufuma kuli Paulo, muomvi wakwe Klistu Yesu, mutumwa uwasolwa nu kwamwa na Leza ku kukosola Ilandwe Lisuma.

Milimo 13:2

Uwanda umwi lino yakongine, ala yakupepa Mwene nu kuizilizya ukulya, Mupasi Wamuzilo ayanena ati, “Mu mpalwile Banaba na Saulo, kuti yakaombe mulimo uno nayamila.”

Ezekelo 44:15

Lelo yasimapepo mu ina Levi, ana yakwe Zadoki, yano yaombanga umulimo wane mu Ng'anda yane ikulu, lino aina Izlaeli yamfutatile nu kuntaluka ukutali, ali yano yali nu kumpalamila pa kuntumikila. Yamaimililanga pa cinso cane nu kuntuula amafuta nu wazi.

Ezekelo 44:11

Lelo kwene yangaomba umulimo uwamu Ng'anda yane ikulu uwakusunga impongolo nu kuombako imilimo yuze. Yangafyula inyama zino antu yakuleta apakuzituula impolelwa yakoca, ni zyakutuula impolelwa yakupapatila antu nupya yali nu kuya pa milimo yakuombela antu.

Masamu 135:2

Mwe muno mukaimilila umu ng'anda yakwe Yawe, umu misolo ya ng'anda yakwe Leza witu.

Masamu 134:2

Tumpulini amakasa inu uku Ng'anda yakwe ikulu, nga mulumbanye Yawe!

2 Milandu 29:11

Mwe ana yane, mutazingota pali ndakai awe, pasi pano Yawe wamusolola kuti mwimilile apa manso yakwe nu kumutumikila, na kuti mwatungulula apa kumupepa nu koca ubani.”

1 Milandu 23:26

Acino nupya cisikulondekwa ukuti aina Levi yasenda Itaalu lya Ukongano ni viombelo vyonsi ivikaomviwa apa kupepa.

1 Yamwene 8:6

Lyene yasimapepo yasenda Mbokosi ya Upangano nu kuingizya mu Ng'anda ikulu yakwe Leza. Yaya yaiteka apa Ncende Yamuzilo kuluta umwisika ya mapa yakwe yakelubi.

Malango 17:12

Umwi ndi wacita imisuli kuli kapingula nanti kuli simapepo wino ali pa luti, wene alinzile ukukomwa. Umu kucita cii ali muno mungafumya ulukota luu mu ina Izlaeli.

Mpendwa 3:31

Umulimo wao wali uwa kuwaka Mbokosi ya Upangano, itebulo, ivyakutekapo inyali, utuvuwa, iviya vyamuzilo vino yasimapepo yakaomvya mu Ncende Yamuzilo, nga ni nsalu yakucingilikizya pa mulyango wa Ncende Yamuzilo kuluta. Yakwene yali nu kuwaka kutumikila konsi kukumile vintu vii.

Aina Levi 8:9

Lyene amuzwika tulibani ku mutwe. Aika impalata yakwe zaabu ku nkolelo yakwe tulibani, cimanyililo camuzilo wakwe vino Yawe wapeezile ilamulo kuli Mose.

Malango 31:9

Acino Mose alemba isunde lii lyakwe Leza nga alipeela kuli yasimapepo aina Levi, yao asendanga Mbokosi ya Upangano yakwe Yawe, nu ku ntunguluzi zyonsi zya ina Izlaeli.

1 Milandu 15:2

Lyene Davidi avwanga ati, “Aina Levi yatupu, aliyo yazumiliziwa ukusenda Mbokosi ya Upangano, pamulandu wakuti Yawe uwayasolola kuti yasenda Mbokosi ya Upangano yakwe Yawe, na kuti yamutumikila amanda pe.”

Masamu 134:1

Izini tulumbanye Yawe, mwensi mwe aomvi yakwe Yawe, mwe muno mukatumikila umu Ng'anda yakwe usiku.

Malango 21:3

Lyene intunguluzi zyamu musumba uwaya pipi na kuno yazanyile icala zilinzile zyasolola indama ino yatatala yaiomvya mu mulimo.

1 Milandu 23:13

Ana aonsi yakwe Amulamu yali a Aaloni na Mose. Aaloni pamwi na amu mupanda wakwe yayapaatwile kuti yaangalila ivintu vyamuzilo, na kuti yapeela impolelwa apa manso yakwe Yawe umuyayaya, nu kutumikila inkolelo yakwe Yawe nga nu kupolelela antu umwi zina lyakwe umuyayaya.