Malaki 4:6 - Amazwi Yakwe Leza 2013

⁶ Wene alakundanya yaisi na ana yao, na ana na yaisi. Nga citangaya vivyo ale lyene ndiza nonone impanga inu.”

Malaki 4:6 Referans Kwoze

Ezaya 11:4

Lelo umololoke wene alaputula imilandu ya antu aulilwa, nga nu kupingwila alanda amunsi umu ulungami. Izwi lyakwe lili wa ntuwa ya kuumila alukang'ansi aipe. Nu mupu wamu mulomo wakwe ulakoma umwipe.

Danieli 9:11

Izlaeli wensi wavuna amasunde yako nu kukufutatila, nupya wene wakana ukukuyela. “Caleka swemo twifya kunuli nu kuiletelela intipu zino zyalembwa mu Masunde yakwe Mose, umuomvi wako we Leza.

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Luka 1:76

Nawe mwana we, ulaamwa kasema wakwe Leza uwapapelapela, pano ulakolelela Mwene kuya muteyanyizizya museo wakwe.

Ezaya 65:15

Antu yane asololwe yalatoola izina linu, nu kulilumbula wa lutipu lwa kutipwila yauze. Nene kwene ne Yawe, anene ndamukoma. Yano yakantumikila ndayama izina ilipya.

Ezaya 61:2

Wantuma nene apakuti indande ukuti insita lyene yatifika ino Leza alapususya antu yakwe, ino alacimvizyako anisi yao. Wantuma na pakuti inamyalalikako yano yakulosya.

Umbwilo 22:3

Kusi cimwi icatipwa na Leza icilazanwa mu musumba ukulu. Cilimba ca wene cakwe Leza nupya ca Mwana wa Mfwele cilaya mu musumba ukulu, na aomvi yakwe yalamupepa.

Zakaliya 14:12

Ii, ilaya ili mpungo ino Yawe alaponyezya imitundu yonsi iyalwisizye Yelusalemu. Imili yao ilaola lino yacili apuma, amanso yao yalaolela mu vimfonka vyao ni ndimi zyao zilaolela mu tunwa twao.

Zakaliya 14:2

Ndakonganinka antu amu nko zyonsi kuti yize ku kuzanza umusumba wa Yelusalemu. Yene yalapoka umusumba uo nu kunyenkana ivyaya mwenemo nga nu kulema pa maka anaci aya mwenemo. Citika wa antu amu musumba ulya yalayasenda mu uzya, alasyalapo yene yatalayazinga mu musumba foo.

Zakaliya 13:8

Yawe Wamaka yonsi wavwanga wati, “Alino mu mpanga yonsi apa vipande vitatu vya antu, palakomwa vipande vili. Lelo mulasyala icipande conga.

Zakaliya 5:3

Nawe apali pakunena ati, “Pa lupapulo lulo palemvilwe ulutipu ulwakutipwila insi yonsi. Ulusansa longa pa lupapulo lulo palemvilwe ukuti umwivi wensi yalamuzinga umu mpanga, nu lusansa luze lwa lupapulo palemvilwe ukuti umuntu wensi wino akalapa ufi yalamuzinga umu mpanga.”

Ezaya 43:28

Yakateeka inu nayo kwene yansaalwile nu kukowezya Ng'anda yane ikulu. Ali cino nani namufulwile mwe ina Izlaeli nu kuleka ukuti mwe antu yane muzewane.”

Ezaya 24:6

Asi papo Leza lyene watatipwila insi apakuti iononeke. Antu kwene aikazi yamwenemo, ali yano yatiyailetelela aeneco kwene. Ali mulandu kwene uno lyene insyazi zyakunzi zyatizitandika ukucepela kweneko.

Mako 11:21

Petulo aiusya icacitike nga anena Yesu ati, “Kasambilizya, lola musamvu uno watipwizile wati uma!”

Mateo 22:7

Lelo Mwene asoka cuze, nga atuma asilika yakwe kuya koma inkomi zizyo nu kooca misumba yao iikulu.

Zakaliya 11:6

Yawe wavwanga wati, “Lyene nemo ntalatala ntezele aikala nsi. Antu yonsi wenga wenga nemo ndaleka intunguluzi zyao nanti yamwene yao ayano yakayateeke uku kalili. Intunguluzi zizyo zilonona impanga, nani ntalayapususya kuno yali, awe.”

Ayebulai 6:8

Lelo musili ndi wamezya myunga ni vikona wene ale utakweti mulimo nupya uli mu uzanzo wa kutipwa na Leza. Nga ulononwa ku moto.

Ezaya 40:3

Amazwi yakuvwika yakuti, “Zifini umuseo umwakupita Mwene umu lwanga! Olololini inzila zyakwe Leza mu matololo.