Biblia Todo Logo
Bib sou entènèt

- Piblisite -




Malaki 2:9 - Amazwi Yakwe Leza 2013

9 Acino nani, pakumuswilizizya cico, ndaleka aina Izlaeli yamusuule pamulandu wakuti mutakuyela vino nkalonda kuti mwacita, nga nupya mukafyenga antu pa kuyaputwila imilandu na kasoozi.’ ”

Gade chapit la Kopi




Malaki 2:9
30 Referans Kwoze  

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.


Mutaya na kasoozi lino mukupingula. Mwapingula cila muntu kwaula kunyomela mbali, cisi cimwi vino umuntu wiyo ali. Mutaoopa umuntu nanti umwi, pano upinguzi uno mumacita ukafuma kuli Leza. Ndi umulandu umwi wakomesya cuze kunomuli, muulete kunondi nga nani ndapingula.’


Lelo yao alolekanga kwati intunguluzi, nkulanda cii kunoyali pano kunondi ntasakamile vino yali. Leza asyapingula umuntu ku milolekele ya kunzi. Intunguluzi zizyo zitalunda cimwi cipya kwi Landwe.


“Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.


Lelo kasambilizya wa Masunde walondanga ukuizifilizya ukuti umololoke. Lyene auzya Yesu ati, “Uzye unji aweni?”


Lelo mwemo mwafutatila inzila yane. Usambilizyo winu waponzya antu avule. Mwavuna upangano wane uno nacita namwe.


Ndalepola ni vitambala vinu vyaku mitwe nu kukulula antu yane ku makasa yinu, yatakatale nupya iyaya umu makasa yinu wa nyama zino yakalunga. Alino lyene mulamanya ukuti nene indi Yawe.


Mikaya alanda ati, “Wemo ndi cakuti waca wawela umutende, awe nce, ale Yawe atalanda muli nene.” Nupya atwalilila nu kuvwanga ati, “Mwe antu mwensi, mwemo mungala muvwikisye sile vino natindanda.”


“ ‘Ndavunuka amu mupanda winu nu kumukantaizya impumi zinu ni vyamumala ya nyama kwene zino mukapeela impolelwa. Ndamuvwintila pa citumba, lilyo ale mwatimukandana navyo.


Umuntu musuma auze yalamwiusya wa upolelelo, lelo umuntu mwipe alililika zuwa.


Isyamo lilalondela api syamo ni cimvulunganya pa cimvulunganya. Alino yaluzya cilolwa kuli kasema, lelo simapepo atalakwata ilamulo, inkombe nazyo zitalamanya vyakupanda amano.


Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”


Ndakwitila ivyawinyi, nu kukusausya, nga ndaleka antu yonsi yakulole nu kuzunguka,


Umukulanda kwane kusi nanta kumwi kuno namanyomelela. Nemo namaya sile apakasi. Kusi nanta umwi wino namaemelela kweneko.


Umuntu yakamutaizya pamulandu na mano yakwe, lelo uwa mwenzo waciwelewele wene akazewana.


Swiv nou:

Piblisite


Piblisite