Malaki 2:10 - Amazwi Yakwe Leza 2013

¹⁰ Uzye swensi kwene tata asi ali wenga kwene? Uzye asi a Leza ali umwi kwene uwatuumvile? Uzye lyene apacani cino tusifikilizya upangano wakwe Yawe ni vikolwe vitu apa kuntaya acumi, cila muntu ku muze?

Malaki 2:10 Referans Kwoze

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Malaki 2:11

Antu aku Yuda yasi acumi kuli Leza nupya yacita ivintu iviipe wakwe cimwi mu Izlaeli nu mu Yelusalemu kwene. Yene yakowezya Ng'anda ikulu yakwe Yawe ino wene watemwa. Yene yatwala anaci ainamasi akapepa tuleza tuluwi.

1 Kolinto 8:6

lelo swemo twakwata Leza wenga sile. Wene ali Tata nga aliwe kwene ali kaumba wa vintu vyonsi, nupya swemo tukamutumikila. Yesu Klistu sile ali Mwene witu. Vintu vyonsi vyaumvilwe na aliwe, nga munoli swemo twapelwa umi.

Efeso 4:6

Kwaya Leza wenga Isi wa antu onsi. Wene waluta onsi, nupya akaomba kupitila munotuli swensi. Wene akaikala munotuli swensi.

Ezaya 63:16

Pano wewe kwene wewe uli Tata. Abulaamu atatumanya, Yakobo atatumanya. Lelo wemo we Yawe, wewe uli Tata, wewe uli Katuula witu pee. Ilili zina lyako ilyampiti na mpiti.

Ezaya 64:8

Lelo kwene we Yawe, ala wewe uli Tata. Swemo twaya sile wa mbuulo, nawe wakwe nakamata. Umucumi awewe watuumba.

Milimo 7:26

Uwanda walondelela alola a Izlaeli yaili yakulwa, aezya kuyataasya avwanga ati, ‘Mwe antu mwe, uvwini. Mwemwe ina! Uzye lyene pacani mukulwisyanya?’

Mateo 3:9

Nupya mutaelenganya ukuti muluutuka kuvunukwa kuno kukwiza, apa kulanda ukuti Abulaamu ali cikolwe cinu. Nkumunena vino Leza angasenula amawe yaa ukuya ana yakwe Abulaamu.

Yoane 8:41

Lelo mwemo mukacita vino so akacita.” Nao yamunena yati, “Swemo twakwata Tata wenga sile, nawi a Leza.”

Mateo 22:16

Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Mateo 10:21

Antu yalakoopa aina yao aonsi kuti yakomwe. Mu musango uli onga na yaisi yalakoopa ana yao. Ana yalakatukila akwasi yao nu kuyakomisya.

Malaki 2:8

Lelo mwemo mwafutatila inzila yane. Usambilizyo winu waponzya antu avule. Mwavuna upangano wane uno nacita namwe.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Ezekelo 33:24

“We mwana wa muntu, antu yano yakaikala mu matongwa yamu Izlaeli yavwanga yati, ‘Abulaamu wali sile wenga lino yamupiile impanga ii. Lelo swemo tuli aingi. Lyene fwandi impanga ii, iitu.’

Ezaya 51:2

Mwelenganye apa cikolwe cinu Abulaamu, na Sala kuno mwatuntuka. Lino naamile Abulamu, wene atakweti umwana, lelo namupuusile ulutembo nu kumupeela ikwata. Lyene nasandulula ni vizikulula vyakwe.

Ezaya 44:2

Nene indi Yawe wiyo uwamupanzile nu kumuumba mu ndilwa zyakwe yanyoko, nupya anene nkamwazwilizya. Utuvwa intete we Yakobo, we muomvi wane. Mwemwe antu yane akundwe yano nasolola.

Ezaya 43:15

Nene indi Yawe, Wamuzilo wakwinu wilya, Kaumba wakwe Izlaeli. Nenga mpo, nene indi Mwene winu.”

Ezaya 43:7

Ya yonsi yakaamilwa kwi zina lyane, nene nayaumvile kuti yampela ululumbi, nayapanzile nu kuyapeela umi.”

Ezaya 43:1

Lelo ndakai, Yawe uwakuumvile we Yakobo, wiyo uwakupanzile we Izlaeli, akuti, “Utuvwa intete, pano natinkukulula, nakwama ukwi zina, wewe wakwane.

Yobo 31:15

Pasi pano nayo kwene yapanzilwe umunda wakwe nene kwene. A Leza ali wenga kwene, uwa tuumvile umunda zya akwasi itu.

Neemiya 13:29

We Leza wane, wiusye antu yayo, apa kukowezya usimapepo wao nu kusausya upangano uno mwacisile na ina Levi.

Yoswa 24:3

Lelo nemo natoozile Abulaamu icikolwe cinu ukufuma ku mbalama ilya iya Luzi lulo nu kumutungulula ukusalala impanga yonsi iya Kenani nga imupeela amu mupanda avule. Namupiile Isaki,

Kufuma 19:5

Ndakai ndi mumanguvwila nu kusunga upangano wane, lyene mumayanga antu yane pakasi ka mitundu yonsi ya antu. Nanti cingaya ukuti insi yonsi iyakwane, lelo mwemo mulaya antu yane asololwe.

Ayebulai 12:9

Akwasi itu yakatusunda, nga naswe tukayacindika. Uzye lyene tutangalusya kutontela Tata uwaku mupasi nga tuye nu umi?

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.

Efeso 4:25

Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

Loma 9:10

Nupya cisi vivyo sile, pano Labeka nawe waviile ana aonsi yaili, yano isi wali a Isaki cikolwe citu.

Loma 4:1

Uzye lyene tumati uli pali Abulaamu cikolwe citu? Uzye wazanyile cani pa lwakwe?

Milimo 17:25

“Nupya asilonda cimwi cino tungaleta kunoli apakumuombela, pano umwisikulu akapeela umi nu muza ni vintu vyonsi kuli onsi.

Milimo 7:2

Sitivini aasuka ati, “Inane na yatata, uvwini kunondi! Leza wa lulumbi walolike kuli Abulaamu cikolwe citu, lino wikalanga ku Mesopotamya, ala atali aye ku kwikala ku Halani,

Yoane 8:56

So Abulaamu wali nu luzango pa kulola kwiza kwa wanda wane. Wauweni nga azanga.”

Yoane 8:53

Tata Abulaamu wafwa. Uzye wemo ulusile Abulaamu? Yakasema nayo kwene yafwa. Uzye wemo wailola vino wewe weni?”

Yoane 8:39

Nao yamunena yati, “Tata a Abulaamu.” Yesu ayanena ati, “Ndi mwemwe ana yakwe Abulaamu, nga mukacita vintu vili vimwi na vino Abulaamu wacitanga.

Luka 3:8

Mwaomba imilimo isuma yakulanga vino mwati muzenzuka. Nupya mutainena mu myenzo inu ukuti Abulaamu ali cikolwe cinu! Nkumunena vino Leza angasenula amawe yaa ukuya ana yakwe Abulaamu.

Luka 1:73

Nupya walavile Abulaamu, cikolwe citu, nu mulapo,

Milimo 17:24

Leza uwaumvile insi na vyonsi ivyayamo, ali mwine wi yulu ni nsi, nupya asyaikala mu ng'anda yakulwa na antu.

Milimo 17:26

Ukufuma ku muntu wenga, waumvileko imitundu yonsi iya antu nu kuleka kuti ikale mu nsi yonsi. Wisile utusita utwalinga na yanande ya vifulo vyao vya kwikalamo.

Kufuma 19:4

mwaweni vino nacisile ku ina Eguputo. Nupya mwaweni vino namusenzile wakwe vino cipungu akasenda ana yakwe pa maapa, nga imuleta kuno kunondi.

Kufuma 24:3

Mose apita, aya anena antu amazwi na malamulo yonsi yano Yawe wamunenyile. Lyene antu yonsi yaasuka yati, “Endi, tumacita vyonsi vino Yawe watavwanga.”

Kufuma 24:7

Pacisila cakwe vii, Mose atoola lupapulo lwa upangano awelengela antu. Lyene antu yavwanga yati, “Tukaayela Yawe nu kucita vyonsi vino watavwanga. Wene tumamuvwilanga.”

Yelemiya 31:9

Apa kupita yapisile ala yakulila. Lelo ndayamyalalika pa kuweluluka. Ndayatungulula ku nguzi zya manzi, umu nzila itambalale, muno yatalapumika foo, pano anene ndi isi wakwe Izlaeli na Efulemu ali yeli lyane.

Ezaya 64:7

Kutali uwakuti alaizye izina lyako, nanti wakuti aimilile, ale aemelile kunuli. Pano wemo watufisile icinso cako. Watusuula nu kutusuula apamulandu wa maifyo itu.