Malaki 1:11 - Amazwi Yakwe Leza 2013

¹¹ Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Malaki 1:11 Referans Kwoze

Ezaya 54:5

Pano uwakuumba kwene aliwe alaya uwako. Izina lyakwe a Yawe Wamaka yonsi. Ali Katuula wako Wamuzilo wakwe Izlaeli, akaamwa Leza wa nsi yonsi.

Ezaya 45:6

Cino nemo nacitila vii, umulandu wakuti ukufuma ku mpela yonga ya nsi, ukufika nu ku yuze kwene antu yamanye ukuti kutaya namuze suka nene nenga mpo. Nene indi Yawe, nupya kutaya namuze.

Umbwilo 5:8

Lino akucita vii, viumbwa vyaumi vini pamwi na ikolo makumi yaili na yani yafukamila Mwana wa mfwele. Cila wenga wakweti zeze nga ni ngeso zyakwe zaabu izyazilemo vya mununko usuma nga navyo vili mapepo ya antu yakwe Leza.

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Zakaliya 8:7

Nemo ndatuula antu yane, ndayafumya mu mpanga zyaku ufumondaka, nu mu mpanga zyaku uwondaka.

Masamu 50:1

Yawe Leza Wamaka yonsi, awiyo wavwanga, walaizya insi yonsi, ukutandikila sile uku ufumondaka, ukufika nu ku uwondaka.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Masamu 141:2

Ipepo lyane likwele kunuli wa ubani, nu kutumpula kwa makasa yane, kuye wa mpolelwa ya manguzi.

Masamu 67:2

pakuti antu yonsi apano nsi, yamanya vino wemo ukalonda, na antu ya mitundu yuze apakuti yamanya ukuluzi wako.

Umbwilo 15:4

Uzye aweni atangoopa we Mwene? Uzye aweni angakana kulanda ukulu wako? Wewe wenga sile waya uwamuzilo. Antu amu nko zyonsi yaliza nu kukupepa, pano micitile yako isi yalufyengo nupya ikaloleka kuli onsi.”

1 Timoti 2:8

Mu kutumikila mwi uvi lyonsi nkulonda kuti aonsi aipeelesya kuli Leza yapepa, yala yakukatusya makasa yao kwaula kusoka nanti vikanza.

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.

Loma 15:16

lyakuya muomvi wakwe Yesu Klistu uwa kuombela Akulukuwa. Nkatumikila wakwe simapepo pa kukosola Ilandwe Lisuma kufuma kuli Leza, pakuti Akulukuwa yangaya wa mpolelwa iyapokelelwa kuli Leza, apalamikwa kunoli mu maka yakwe Mupasi Wamuzilo.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Luka 1:10

Lyene iumba lyonsi lya antu lyali panzi, ala likupepa pa kasita ka koca ubani.

Malaki 1:14

Citipu ciye pa muntu umusomvi wino akapeela inyama yaciwelewele wa mpolelwa kunondi, mu cifulo ca nyama isuma ino walaya ukupeela kunondi! Pasi pano nene Mwene mukulu, nga antu amu nko zyonsi yakangoopa.”

Zefaniya 3:9

“Lyene ndasangulula amazwi ya antu amu mitundu yonsi, nga lyene yalapepa kuli ne Yawe nenga mpo nupya yatalapepa tuleza tuze lelo yalanjela.

Zefaniya 2:11

Yawe alayoofya wakwe cimwi. Wene alonona tuleza twa mpanga ilya. Mitundu yonsi ya antu ilapepa Yawe, cila mutundu ulamupepa mu mpanga yakweo.

Mika 5:4

Lino aliza, wene alaposya nupya alacema imfwele zyakwe mu maka yakwe Yawe, nu mu ucindami wi zina lyakwe Yawe Leza wakwe. Alino yene yalikala mu mutende, pano ukulu wakwe ulafika nu kumpela ya nsi kwene.

Amosi 9:12

Acino pa nsita kwene ilya aina Izlaeli asyalapo yalacimvya ivyasyala vyamu Edomu, kumwi ni nko zyonsi zino zyamanyike ukwi zina lyane.” Avino Yawe wavwanga, wino alacita vintu vino walanda.

Ezaya 59:19

Alino lyene yamaoopa izina lyakwe uku uwondaka nu ucindami wakwe uku ufumondaka. Aliza wa luzi luno lwapongwela, luno umupu wakwe Yawe ukusuunka.

Masamu 113:3

Ukutandikila sile pano katunkila ukufika na pano kamawila Yawe kacindikwe.

Mateo 8:11

Cumi namunena nati, nayauze aingi yalafuma mu nsi yonsi nu kwikala pali pamwi na Abulaamu na Isaki na Yakobo mu Wene wa mwiyulu.

2 Tesalonika 1:12

Mu musango uu izina lya Mwene Yesu lilapelwa lulumbi kufuma kunomuli, nga namwe kufuma kunoli, kupitila mu cikuku cakwe Leza witu ni ca Mwene witu Yesu Klistu.

Mpendwa 7:74

Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani.

Masamu 45:17

Ica cumi, ulwimbo lwane lulaleka ukuti uce ulumbuke amanda pe, nu kulenga ukuti antu yonsi yace yakulumbanya amanda pe.

Masamu 48:10

Antu yakakulumbanya mpanga yonsi, nu lulumbi lwako lwalimba insi yonsi. Ee, icacumi, kwene ukateeka umu kulungika.

Masamu 111:9

Umwene wapususya antu yakwe, wapangana nayo upangano wakuyelelela. Icacumi, uwamuzilo nupya uwa maka!

Ezaya 12:4

Mu wanda ulya antu yalimbila ulwimbo luu: “Taizini Yawe, laizini kunoli apakuti amwazwilizye! Nenini imitundu yonsi vino wene wacita! Yanenini vyapa ucindami wakwe.

Ezaya 12:5

“Imbilini Yawe, Pano wene wacita ivintu ivyalulumbi. Lekini vyonsi vimanyike insi yonsi.

Ezaya 66:18

Apa mulandu wa vicitwa vyao vino manyile, nasya nize nkolonganike antu amitundu yonsi kwene. Alino lyene iliza iilolele yonga ucindami wane.

Yelemiya 10:6

We Yawe, ala kutaya uwakolana nawe. Wemo wewe mukulu, nga ni zina lyako ilikulu nupya ilyamaka wakwe cimwi.

Yelemiya 10:7

Wewe uli Mwene wa mitundu yonsi. Aweni fwandi atange akoope? Caticikulinga kuti yonsi yakucindika. Pano kusi nanti wenga uwaya wakwe wewe, pa antu yamano yonsi amu mitundu yonsi nanti pakasi kakwe yamwene yao.

Danieli 2:45

Waliwalola vino iwe lyasozoka ukufuma pa mwamba ukunuke ukwaula kuti umwi alikumye nga navino lyalilyafwanta iciluwi capangilwa ni cela, nu mukuwa, ni ivu, na siluva, nga na zaabu. Leza Mukulu akukunena we musambazi ivilacitika mu manda akwiza. Ninkunena ukulingana na vivi kwene vino waliwalota, nga nu kukulondolwela iciloto cako muno calola.”

1 Milandu 16:25

Yawe u mukulu nupya uwakulumbanya sana, wene uwakucindika wakwe cimwi, ukuluta tuleza tonsi utwasyala.

Masamu 48:11

Leka fwandi antu yamu Zioni yazanga! Imipingwile yako, yaya ilungamane, leka fwandi imisumba yonsi yamu Yuda yazanga.

Masamu 65:9

Pano nsi, awewe ukasunga impanga nu kuiletela imvula. Ukalenga ukuti iye ikankala nupya iya muvundo. Ukalenga inguzi zizule amanzi apakuti antu yakontelela imbezu zyao. Vyonsi vii, awewe ukateyanya.

Masamu 86:9

Imitundu yonsi ino wapanga imaomokelanga kunuli, uku kupepa nu kukucindika we Yawe,

Masamu 96:8

Lumbanyini Yawe Umwene, api zina lyakwe ilya lulumbi. Letini amawila, nga mumutwalile ukwakwe ukwisano.

Masamu 138:5

Si kayalukulumbanya inzila zyakwe Yawe, pano ululumbi lwakwe Yawe ulukulu.

Ezaya 19:21

Yawe alaisokolola wenga uku ina Eguputo. Mu wanda ulya lino wene alacita cico, alino antu nayo yalamanya Yawe umucumi. Nupya ali lino yalamupepa nu kumupeela impolelwa na mawila ya mbezu. Alino yalamulaya ivilayo vya mpomvu nu kufikilizya vino yalaya.

Ezaya 30:27

Nupya Ezaya avwanga ati, “Mwalola amaka yakwe Leza nu ucindami wakwe! Avivyo vikuloleka akatalamukila! Umoto ni cunsi ali vino vikulanga ukali wakwe. Lino amavwanganga, amazwi yakwe yamalunkumanga sile wa moto.

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Malaki 3:3

Wene aliza ku kupingula wa muntu akaswefya zaabu. Wene alasangulula nu kuswefya aina Levi ndi vino umuntu akaswefya zaabu na siluva. Alino lyene yalaleta amawila asuma kuli Yawe.