Mako 9:50 - Amazwi Yakwe Leza 2013

⁵⁰ “Umusilya uusuma, lelo ndi wazunduka uzye nupya ungaukalifya uli? Uwikazi winu uye kwati ucemekwe nu musilya nga muye nu mutende pakasi kinu.”

Mako 9:50 Referans Kwoze

Kolose 4:6

Mvwango zinu zilinzile kuya zisuma nupya zyakuzanzya antu, nupya mulinzile kumanya musango uno mungaasukilamo umuntu ali wensi.

Loma 12:18

Citini vyonsi vingacitwa pakuti mwikale mu mutende na antu onsi.

Mateo 5:13

“Mwemo mukoline wa musilya wa antu onsi. Lelo musilya ndi wazunduka, uzye nupya ungaukalifya na cani? Wene ungaya uwakusumba sile nu kulyatwa na antu.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

2 Kolinto 13:11

Ndakai, inane, nkuti tukateni! Mupikintike kuya afumaluke. Uvwini kupapata kwane. Ezyini kuzumilizyanya nga nu kwikala mu mutende pakasi kinu. Leza ali ntulo ya kutemwa nu mutende, aye namwe.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Yobo 6:6

Uzye umuntu wene angalya icakulya icaula umusilya? Nanti uzye mwaya umulyo mu cipande citiswe ici yayi?

1 Tesalonika 5:13

Kunoyali mwalanga mucinzi nga nu kutemwa kukulu kuluta pamulandu wa mulimo uno yakaomba. Mwaikala mutende pakasi kinu.

Efeso 4:29

Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

Yakobo 1:20

Pano kusoka kwa muntu kusyafikilizya kulonda kwakwe Leza.

2 Timoti 2:22

Fumako ku matunko yano ance yakaponelamo, nupya uwalwisya kucita vyawololoke, kuya nu utailo, kutemwa, nga nu mutende. Wacita cii pamwi na yao aswepa myenzo, nupya yano akalenga Mwene kuti ayazwe.

Kolose 3:12

Mwemwe antu yakwe Leza. Wene wamutemwa nupya wamusolwile kuti muye antu yakwe. Caleka mulinzile kuya na mizu, afuke, aluse, aicefya, amutembo nupya antu akateeka myenzo.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Masamu 34:14

Tiini ukucita iviipe, mwacita sile ivisuma. Mwatemwa ukwikala umu longo, nu kwikala kwene avino mwikale.

Mako 9:34

Lelo yataswike, pano umu nzila yapazyanyanga aisikulu pa kumanya wino uwali mukulu panoyali.

Masamu 133:1

Lolini vino cazipa navino cazanzya antu yakwe Leza, ukwikala pamwi wa cina nyina!

Ezekelo 43:24

Ukavilete vyonsi kuli ne Yawe na yasimapepo yace yakavisanse umusilya, yakavituulile ne Yawe impolelwa yakoca.

Mako 9:49

“Pano umuntu wensi alaswefiwa nu moto wa macuzi ndi vino impolelwa ikaswefiwa nu musilya.