Mako 9:32 - Amazwi Yakwe Leza 2013

³² Lelo yene yatamanyile vino usambilizyo u wasenulanga, nga yuvwile intete kuti yamuzye.

Mako 9:32 Referans Kwoze

Luka 18:34

Lelo alondezi yatamanyilepo nanti cimwi ca pa vintu vii. Yene yatilwike cino Yesu walandanga, pano calanga cafiswa kunoyali.

Luka 9:45

Lelo yene yatamanyile vino cii casenulanga. Walanga muvwango uu wafiswa kunoyali cakuti yatamanyile vino ukusenula nga yuvwile intete kuti yamuzye pamulandu uu.

Luka 2:50

Lelo yatamanyile uwasuko wakwe vino ukusenula.

Yoane 16:19

Yesu amanya vino yakasi kumuuzya, caleka ayanena ati, “Uzye mukuuzyanya pali cino nali namunena nati, ‘Pa kasita kanono mutalandola, nga pa kasita kanono mulandola nupya.’”

Yoane 12:16

Pa kasita kaka alondezi yakwe yatilwike vintu vii. Lelo lino Yesu watumpwilwe nu kupelwa lulumbi, yene iusya vino malembelo yalanda cii pali aliwe, nga na vino yamucitile vintu vii.

Mako 9:10

Lyene yayela ilamulo lyakwe, lelo yavwanzyanya aisikulu yati, “Uzye kuzyukuka kufuma ku mfwa cikusenula cani?”

Yoane 4:27

Lilyo kwene na alondezi yakwe Yesu yawela, nga yazunguka pa kuzana akuvwanga nu mwanaci. Lelo patali umuntu uwakuti amuzye ati, “Uzye ukulonda cani ku mwanaci?” Nanti uwakuti amuzye ati, “Uzye ukumuvwanzizya cani?”

Luka 24:45

Lyene akupulula myenzo yao kuti yamanye malembelo.

Mako 16:14

Pacisila Yesu aloleka ku alondezi ikumi na wenga ala yatenzi yakulya pa cipango. Ayasinkola, pa kuntataila kwao na pa kukoma kwa myenzo yao, pano yatataile yano amuweni lino wazyukwike.

Mako 8:33

Lelo Yesu aseleuka, alola pa alondezi yakwe, asinkola Petulo ati, “Fuma pano, Ciwa! Pano amelenganyo yako yatafumile kuli Leza, lelo auntunze.”

Mako 7:18

Yesu ayauzya ati, “Uzye namwe kwene mutilwike! Uzye mutamanyile vino kusi cintu icikafuma kunzi cino mu cumi cingamukowezya?