Mako 9:24 - Amazwi Yakwe Leza 2013

²⁴ Isi wa mwana asanzika izwi ati, “Nataila, lelo ungazwe kuti nkwatisye utailo.”

Mako 9:24 Referans Kwoze

Luka 17:5

Atumwa yanena Mwene yati, “Tukuzizye utailo.”

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Efeso 2:8

Pano mwatuuzilwe ni cikuku cakwe Leza lino mwataile.

2 Tesalonika 1:11

Uli mulandu uno tukamupepela lyonsi. Swemo tukalenga Leza witu kuti amucite kuya alingane kwikala umi uno wene wamwamako. Lekini Leza mu maka yakwe yonsi, afikilizye kulonda kwinu kwakucita visuma nga nu kuti utailo uleke mucite vivyo.

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.

Filipi 1:29

nupya wene wamupeela isyuko lya kutumikila Klistu asi kukwata sile utailo munoli, lelo nu kumuculila.

Masamu 126:5

Leka yayo akatovya umu kulila aminsozi, yace yasinze ni nsansa.

2 Kolinto 2:4

Pa nsita ino nalemvile kalata kuli mwemwe, nali mu kucululuka cuze. Manso yane yazilemo minsozi, nga nu kunyunguluka mu mwenzo. Lelo ntalondanga kuti muvwe ulanda. Nemo nalondanga sile kuti mumanye kutemwa kuno namutemwa.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Milimo 10:31

avwanga ati, ‘Konelio! Leza watauvwa ipepo lyako nu kumanya imilimo yako iya luse.

Yelemiya 14:17

Yawe wampile ilamulo lyakunena antu pamulandu nu ulanda uno nakweti nga nani inti, “Amanso yane yakwituluka sile aminsozi umusanya nu usiku ukwaula nu kuta. Cizipe ntata ukulila pamulandu wakuti antu yane yatiyaponelwa nu uzanzo umwi uwipisye. Yati yaciswa ivilonda iviipisye.

2 Timoti 1:4

Nemo nkaiusya kulila kwako, nupya nkulondesya kukulola pakuti nzangisye.

Luka 7:44

Lyene aseleukila ku mwanaci nga anena Simoni ati, “Uzye walola umwanaci wii? Kufuma lino ningile mu ng'anda yako utampile manzi akufulala ku ngazo. Lelo wene wafula ingazo zyane na minsozi yakwe nu kuzikumbula ni nyele zyakwe.

Luka 7:38

aimilila kwi tundu ku mbali ya ngazo zyakwe Yesu, ala akulila, akuponyezya minsozi pa tuntunta twa ngazo zyakwe Yesu. Lyene akumbula ingazo zyakwe Yesu ni nyele zyakwe, azitonsola nga azipongolwela amafuta acinunu cisuma.

Masamu 39:12

“We Yawe, uvwa ukwi pepo lyane, unguvwe nakuli vino nkukupapata, utasula sile lino nkukulaizya! Nemo nene mwenyi apa nsita sile inono ndi vino ni vikolwe vyane vyonsi vyali.

2 Yamwene 20:5

“Swilila ukamunene Hezekiya umwene wa antu yane uti, ‘Yawe, Leza wa cikolwe cako Davidi wavwanga ukuti natinuvwa ukupapata kwako, na minsozi yako natinjalola. Fwandi nemo namakupozya nu wanda uwalenga yatatu, ale wakwela kunondi, uku Ng'anda ikulu yakwe ne Yawe.

2 Samueli 16:12

Cingaya limwi Yawe angalola ulanda wane nu kundandwila ivisuma pa ntipu zino natipwilwa api lelo.”

Ayebulai 12:17

Mwati mumanya ukuti pacisila wene walondanga kupolelelwa ni isi. Lelo yamulesizye, pano atakweti nzila yakusenula vino wacisile nanti angala wapapasile nu kuponya minsozi.

Milimo 10:19

Walanga Petulo acili akwelenganya vino cilolwa cikusenula, Mupasi Wamuzilo amunena ati, “Lola! Antu yatatu yakukulonda.

Mako 9:23

Yesu nawe aasuka ati, “Pacani wati ndi cingacitika? Icintu consi icangupale ku muntu wino ali nu utailo.”

Mako 9:25

Yesu alola iumba likupalamila kunoyali. Alino akalipila mupasi wankota ati, “We mupasi wankota wakwe ucipuuli na uciulu, nakunena kuti ufume mu mulumendo nupya utakaswilile munoli.”