Mako 9:23 - Amazwi Yakwe Leza 2013

²³ Yesu nawe aasuka ati, “Pacani wati ndi cingacitika? Icintu consi icangupale ku muntu wino ali nu utailo.”

Mako 9:23 Referans Kwoze

Yoane 11:40

Yesu amuuzya ati, “Uzye ntakunenyile vino ndi wataila umalola lulumbi lwakwe Leza?”

Ayebulai 11:6

Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.

Mako 11:23

Cumi namunena nati wino wensi anganena umwamba ati katuka uisumbe muli yemba ndi asyakutwisika mu mwenzo wakwe, lelo wataila ukuti cino watalanda cilacitika, cii cilacitwa ndi muno avwangile.

Mateo 17:20

Alino nawe aasuka ati, “Apamulandu wakuti mukweti utailo unono.” Cumi namunena vino, “Ndi mukweti utailo nanti unono wa lumbezu lwakwe musunta, munganena umwamba uu muti, ‘Sungutila’ nga nao ulasungutila. Kusi cimwi cino mungaposiwa kucita.” [

2 Milandu 20:20

Lyene antu kwene yayo iyazyuka katondotondo nu kulungama ku mutengo wakwe Tekoa. Lino yakufuma, Yeosafati aimilila pa mulyango ati, “Tuini tuvwe swe antu aku Yuda na swensi swe ikazi amu Yelusalemu. Tailini Yawe Leza winu, nupya musipe. Tailini yakasema yakwe alino muli nu kucimvya.”

Luka 17:6

Mwene nawe ayanena ati, “Ndi mukweti utailo ukulu wa lumbezu lwakwe musunta, munganena umusamvu uu, muti, ‘Itukule wemwisikulu kumwi ni misisi, ukaileme muli yemba,’ nao ungamuyela.”

Milimo 14:9

Muntu wi watenzi ala akuuvwa ku mazwi yakwe Paulo. Paulo alola vino akweti utailo na vino angapoziwa. Caleka amulolekesya,

Mako 9:22

Insita izingi mupasi wankota ukalonda kumukoma pa kumusumbila mu moto limwi mu manzi. Uye ni nkunkunsi pali sweswe nu kutwazwa, ndi cingacitika.

Mako 9:24

Isi wa mwana asanzika izwi ati, “Nataila, lelo ungazwe kuti nkwatisye utailo.”

Mateo 14:29

Alino Petulo afuma mu wato, apita pa manzi, alungama kuli Yesu.