Mako 8:6 - Amazwi Yakwe Leza 2013

⁶ Alino Yesu apeela ilamulo kwi umba kuti ikale pansi. Atoola mikate cinimbali, nga pacisila ca kutaizya kuli Leza, aimokoola, apeela alondezi yakwe kuti yankanye kwi umba. Na alondezi yankanya antu.

Mako 8:6 Referans Kwoze

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

Loma 14:6

Wino wensi akacindikisya uwanda umwi, wene akacita cii mu kucindikilamo Mwene. Na wino wensi akalya cilyo cili consi wene akacita cii mukucindikilamo Mwene, pano akataizya Leza pa cilyo. Na wino wensi akakana kulya vintu vimwi, wene akacita cii mukucindikilamo Mwene nga nu kutaizya Leza.

Yoane 6:23

Alino amato na yauze, yao afumile ku Tibelyasi, yasuka iiza. Pali pipi na pa ncende pano Mwene wataizye kuli Leza pa mukate nu kupeela iumba kuti lilye.

Yoane 2:5

Alino nyina anena aomvi ati, “Vyonsi vino amamunena kucita, mucite.”

Luka 24:30

Lyene lino watenzi nao pa cakulya, atoola mukate, ataizya, aumokoola, alino aupela kunoyali.

Luka 12:37

Alongo aomvi yano mwene wao alazana yakupempula pa kwiza kwakwe! Namunena vino, wene alazula mwingila wakwe, nu kuyalenga kuti ikale pansi, nga ayapeele ivyakulya.

Mateo 26:26

Walanga yacili yakulya, Yesu atoola mukate, ataizya Leza, aumokoola, alino aupela ku alondezi yakwe avwanga ati, “Tolini mulye, uu uli mwili wane.”

1 Samueli 9:13

Lino mumaingila mu musumba mumamuzana ale atacili aye pa kavuwa pa mwamba ku kulya. Antu yatangatandika ukulya lino wene atacili waya kweneko, pano wene alinzile apolelele impolelwa lino yao amilwe yatali yalye. Fwandi pitini mutumbele umwamba, nga mumaya mukamuzane likwene.”

Mako 8:5

Yesu ayauzya ati, “Uzye mukweti mikate inga?” Nao yaasuka yati, “Tukweti mikate cinimbali.”

Mako 8:7

Nupya yakweti nu tuswi tunono. Yesu ataizya, alino anena alondezi yakwe kuti yankanye kwi umba.

Mako 8:20

Nupya Yesu ayauzya ati, “Lino namokoozile mikate cinimbali nu kwimula antu mazimbi yani mwasozile muzuzya mise inga ya mvungwa?” Nao yaasuka yati, “Cinimbali.”