Mako 8:36 - Amazwi Yakwe Leza 2013

³⁶ Uzye umuntu angakwata muzano cii ndi walonka ivya mu nsi vyonsi, lelo waponzya umi wakwe? Awe kusi cimwi!

Mako 8:36 Referans Kwoze

Mateo 16:26

Uzye umuntu alakwata muzano cii ndi walonka ivyamu nsi vyonsi, lelo waponzya umi wakwe? Awe kusi cimwi! Uzye kuli cimwi cino umuntu angalipa kuti umi wakwe umuwelele?

Masamu 49:17

Pano apa kufwa kwakwe, atalasenda penepo nanti conga, nu ucindami wakwe, utalamulondela foo.

Luka 9:25

Uzye umuntu alakwata muzano cii ndi walonka ivya mu nsi vyonsi, lelo waponzya umi wakwe nanti ukuulovya? Awe kusi cimwi!

Loma 6:21

Uzye umuzano cii uno mwazanyile mukucita vintu vino ndakai vikumuletela insonyi? Ala icikafumamo, imfwa!

Malaki 3:14

Mwalanda mwati, ‘Icasilesile ukutumikila Leza. Uzye ivyani vino twatumbula pa kucita vino wene akalonda nanti apa kwezya ukulanga Yawe Wamaka yonsi ukuti tuli nu ulanda pa viipe vino twacita?’

Yobo 2:4

Alino Satana aasuka ati, “Umuntu ali nu kupeela vyonsi vino wakwata pakuti aikale nu umi.

Yobo 22:2

“Uzye umuntu angaya wamuzano kuli Leza? Awe, umuntu wamano akailetela sile umuzano umwisikulu.

Mako 8:35

Pano wino wensi akalonda kutuula umi wakwe, wene alauponzya. Lelo wino wensi amaponzya umi wakwe pamulandu wi Landwe Lisuma wene alautuula.

Mako 8:37

Uzye kuli cimwi cino umuntu angalipa kuti umi wakwe umuwelele?