Mako 8:34 - Amazwi Yakwe Leza 2013

³⁴ Lyene Yesu aama iumba na alondezi yakwe kunoli. Alino ayanena ati, “Muntu umwi ndi akasi kundondela, aikanye, aisendele ulupanda nga andondele.

Mako 8:34 Referans Kwoze

Mateo 10:38

Na wino wensi asisenda ulupanda lwakwe nu kundondela, wene ataine kuya mulondezi wane.

Yoane 10:27

Mfwele zyane zikauvwa izwi lyane. Nazimanya nga nazyo zikandondela.

1 Yamwene 14:8

Napokolwile uwene ukufuma ku amu mupanda wakwe Davidi nga imbupela kunuli. Lelo wemo utaali wa muomvi wane Davidi, wino wali uwacumi kunondi nu mwenzo wakwe onsi, uwayezile amalamulo yane, nu kucita sile vivyo ivikanzanzya.

Galatiya 5:24

Yao ali yakwe Klistu yene yata ivya untunze wao nga ni vilondwa vyauko.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

1 Yoane 3:16

Twamanya vino kutemwa kwaya pano Klistu wapile umi wakwe pamulandu witu. Uli mulandu uno naswe kwene tulinzile kupeela umi witu pamulandu wa antu yauze.

Mpendwa 14:24

Lelo pamulandu wakuti muomvi wane Kalebu wakwata umwata uze nupya acili akunjela ukufikapo, ali wino ndingizya mu mpanga ino waile aendezya, nga ilaya iyakwe yao amu mupanda wakwe.

Mateo 16:24

Lyene Yesu anena alondezi yakwe ati, “Muntu umwi ndi akasi kundondela, aikanye, aisendele ulupanda nga andondele.

Filipi 3:10

Cino nkulonda ukumanya Klistu na maka yano amulenzile kuzyukuka kufuma ku afwe. Nkulonda kukuma ku macuzi yakwe nga nu kufwa ndi vino wene wafwile.

Loma 8:17

Lyene pano twaya ana yakwe Leza tulapokelela upolelelo uno walaya antu yakwe nu kwiza pokelela pamwi na Klistu vino Leza wamuteyanyizizya. Pano ndi twakuma ku kucula pamwi na Klistu ale tulakumako nu kululumbi lwakwe kwene.

Luka 9:23

Lyene anena yonsi ati, “Muntu umwi ndi akasi kundondela, aikanye, aisendele ulupanda manda yonsi nga andondele.

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)

Filipi 3:7

Lelo vintu vyonsi ningapenda kuya vyasilesile, pamulandu wakwe Klistu.

1 Petulo 4:1

Klistu wacuzile ku mwili lino wali pano pa nsi. Acino namwe kwene mulinzile kuikomelezya mweisikulu ni myelenganyizizye ili yonga na ino wene wakweti. Pano wino wensi uwacula ku mwili ala wene asyakukumako ku kwifya nupya.

Galatiya 6:14

Lelo nemo ntalatala njilumbe pa cintu cili consi suka sile lupanda lwakwe Klistu. Pano wene wafwile pa lupanda, lyene kunondi vya munsi vili wa vifwe nga nani ku vyamu nsi indi kwati nafwa.

1 Kolinto 15:31

Inane cila wanda nemo nkalolenkana ni mfwa. Kuitakizya kuno nkweti munomuli pamulandu wakwe vino Klistu wacita ukwalenga kuti ndande vii.

Loma 6:6

Twamanya vino untu witu wa mpiti watanyilwe pamwi na Klistu pa lupanda, kuti myenzo ya ukakasi ifumiwepo, nu kuti maifyo yatatuteeka uzya.

Luka 14:33

Mu musango uli onga, namunena vino pasi umwi uwa munomuli angaya mulondezi wane, suka wasya vyonsi vino akweti.”

2 Petulo 1:14

Manyile vino Mwene Yesu wanena mpiti ukuti ndasya mwili uu.

1 Petulo 4:13

Lelo zangini pano mukukumako ku macuzi yakwe Klistu, kuti muce muye nu luzango cuze lino alaloleka mu lulumbi.

Tito 2:12

Cikuku kwene cii cikatutungulula kuti twakana uwikazi usi wa upefi ni vilondwa vyamu nsi. Na kuti lyene twaikanya, twacita visuma nu kwikala umi uwa upefi muno nsi,

Kolose 1:24

Ndakai indi nu luzango pamulandu wa kuculila mwemwe. Pano kupitila mu kucula kwane kwaku mwili nemo nkwazwilizya kumalila kucula kwakwe Klistu ukwasyalapo pamulandu wi uvi, lili mwili wakwe.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Luka 18:22

Lino Yesu uvwile cii, amunena ati, “Kuli cintu conga sile cino ulizya. Kakazye vyonsi vino wakwata ukapeele ni mpiya zino ulazana ku apina, nga ulaya ni vyuma mwi yulu, lyene wize undondele.”

Luka 13:24

“Lwisini kwingilila pa mulyango ufyenkane. Pano namunena vino antu aingi yalalonda kwingila, lelo yalaposiwa.

Mateo 27:32

Lino yakufuma yakomanya umuntu uwaku Kuleni, wino zina lyakwe a Simoni, nga yamupatikizya kusenda lupanda lwakwe Yesu.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Ayebulai 13:13

Lyene lekini tufumile kunoli kunzi ya nsakwe nu kukumako kukuzewana kwakwe.

2 Tesalonika 3:11

Twalanda cii pamulandu wakuti tukuvwa ukuti munomuli, muli antu yamwi akasu asyaomba cimwi, suka sile kuikumika ku vintu vya antu yauze.

1 Kolinto 9:19

Nemo nene muntungwa, nsi muzya wa muntu ali wensi. Lelo nati nja muzya wa antu yonsi pakuti ndonke antu aingi kuluta.

1 Kolinto 8:13

Caleka, ndi cakulya cii cingalenga mwinane kupumika ale lyene ntalatala ndye inyama nupya, pakuti ntalenga mwinane apone.

Yoane 19:17

Yesu nawe afuma mu musumba, ala asenzile lupanda lwakwe, aiiza ku cifulo camwangwa ukuti, “Pa cifulo ci Panga.” (Mu Ciyebulai cikaamwa ukuti, “Gologota.”)

Luka 20:45

Lino antu yonsi yakuuvwa kunoli, Yesu anena alondezi yakwe, ati,

Mako 10:21

Yesu amulolekesya, amutemwa, nga amunena ati, “Kwasyala cintu conga cino uulizya. Yanga kakazye vyonsi vino wakwata ukapeele ni mpiya zino ulazana ku apina. Lyene ulaya ni vyuma mwiyulu, nga wize undondele.”

Mako 7:14

Lyene Yesu aama iumba kunoli alinena ati, “Uvwini kunondi, mwensi, nu kumanya.