Mako 8:17 - Amazwi Yakwe Leza 2013

¹⁷ Yesu wamanyile cino yalanzyanyanga, caleka ayauzya ati, “Uzye pacani mukulanzyanya pamulandu wakuti musi na mukate? Uzye mutamanyile nanti ukwiluka? Uzye na ndakai kwene mutali mumanye?

Mako 8:17 Referans Kwoze

Mako 6:52

pano yatilwike vino cikusenula icakulisya antu mazimbi yasano ni mikate isano, pano imyenzo yao yali inyepwe.

Mako 2:8

Lilyo kwene Yesu amanya vino yakwelenganya mu myenzo yao, alino ayauzya ati, “Uzye pacani mukwelenganya vii mu myenzo inu?

Ezaya 63:17

Uzye lyene pacani cino watutuleka kuti twapumba umu nzila zyako? Uzye pacani cino watuleka kuti tuye aumalale, twakana nu kukoopa? Weluluka, ungala sile ulolekesye aomvi yako yano yakakutumikila, yano yaya antu yakwako sile.

Mako 3:5

Yesu acelecensya pano yali nu ukali, lelo wakweti ulanda pa kuluvyanya kwao panoyali akome myenzo. Alino anena umuntu ati, “Ololola cizanza cako.” Nawe aololola, nga ciya icipuma nupya.

Umbwilo 2:23

Nupya ndakoma ana yakwe onsi, nga lyene mauvi yonsi yalamanya ukuti nemo namanya amelenganyo nu kulonda kwa muntu wensi. Ndapela cilambu kuli cila muntu uwa munomuli kulingana ni milimo yakwe.

Yoane 21:17

Yesu amuuzya iila lyakwe citatu ati, “We Simoni mwana wakwe Yoane, uzye wantemwa?” Petulo auvwa ulanda pano Yesu wamuzya iila lyakwe citatu ati, “Uzye wantemwa?” Alino Petulo amunena ati, “Mwene wamanya vintu vyonsi. Wamanya vino nakutemwa!” Alino Yesu amunena ati, “Uwalisya mfwele zyane.

Yoane 16:30

Lyene twamanya vino wemo wamanya vintu vyonsi nga usyalonda kuti umuntu umwi akuuzye. Cikwene catulenga kutaila vino wafuma kuli Leza.”

Luka 24:25

Lyene Yesu ayanena ati, “Viwelewele mwe, mwe muno mwakoma myenzo pa kutaila vintu vino yakasema yalanda.

Mako 16:14

Pacisila Yesu aloleka ku alondezi ikumi na wenga ala yatenzi yakulya pa cipango. Ayasinkola, pa kuntataila kwao na pa kukoma kwa myenzo yao, pano yatataile yano amuweni lino wazyukwike.

Mateo 15:17

Uzye mutamanyile vino consi icikaingila mu mulomo cikaya munda nga cifumila kunzi?

Mateo 12:15

Lino Yesu uvwa vino yati yumana kapi, afuma ku cifulo cici, na antu aingi yamulondela. Alino apozya alwale yao onsi,

Mateo 16:7

Nao yalanzyanya aisikulu yati, “Akuvwanga cii pano tutasenzile mikate.”

Mako 8:16

Nao yalanzyanya aisikulu yati, “Akuvwanga cii pano tusi ni mikate”