Mako 8:12 - Amazwi Yakwe Leza 2013

¹² Lelo Yesu aisya umwenzo avwanga ati, “Uzye pacani cino antu amu mukulo uu yakalonda cilangililo ca cinjelengwe? Cumi namunena, kusi cilangililo ca cinjelengwe cimwi cino cingacitwa ku antu yaa.”

Mako 8:12 Referans Kwoze

Mako 7:34

Lyene Yesu alingamila kwiyulu, aisya umwenzo, amuvwanzya ati, “Efata,” kuli kuti, “Yulika!”

Mateo 16:4

Antu amu mukulo uu nupya aipe asi na utailo yakalonda cilangililo ca cinjelengwe! Lelo kusi cilangililo icilapelwa kunoyali, suka sile cilangililo cakwe kasema Yona.” Lyene Yesu apita, ayasya.

Luka 19:41

Lyene lino wapalama ku musumba, aulolekesya, nga aulilila,

Mako 9:19

Yesu ayanena ati, “Ala! Mwe antu amu mukulo usi na utailo! Uzye namaya namwe kufika lilaci? Uzye namamutekelela kufika lilaci? Muletini kunondi!”

Mako 6:6

Wene azunguka cuze, pano antu yatakweti utailo munoli. Alino aya mu mizi yazingulwike ala akusambilizya antu.

Mako 3:5

Yesu acelecensya pano yali nu ukali, lelo wakweti ulanda pa kuluvyanya kwao panoyali akome myenzo. Alino anena umuntu ati, “Ololola cizanza cako.” Nawe aololola, nga ciya icipuma nupya.

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Mateo 12:38

Lyene Afaliseo na yakasambilizya ya Masunde yamwi yamunena yati, “Kasambilizya, tukulonda kulola cilangililo ca cinjelengwe kufuma kunuli.”

Mako 8:13

Lyene ayasya, nupya apatama mu wato, alambila ku mbalama yuze yakwe yemba.