Mako 7:34 - Amazwi Yakwe Leza 2013

³⁴ Lyene Yesu alingamila kwiyulu, aisya umwenzo, amuvwanzya ati, “Efata,” kuli kuti, “Yulika!”

Mako 7:34 Referans Kwoze

Yoane 11:41

Alino yasisya iwe. Lyene Yesu alingamila kwiyulu avwanga ati, “Tata, nakutaizya pano wanguvwa.

Mako 6:41

Alino Yesu atoola mikate isano ni nswi ziili, alingamila kwiyulu, ataizya kuli Leza. Lyene amokoola mikate, nga apeela alondezi yakwe kuti yankanye antu. Apeela ni nswi ziili ku alondezi yakwe kuti yankanye antu.

Mako 5:41

Amulemelela ikasa amunena ati, “Talita kumi,” kuli kuti, “Kaci we nakunena nati katuka!”

Milimo 9:34

Petulo amunena ati, “Eneya, Mwene Yesu wakupozya. Katuka wanze musanzi wako.” Lilyo kwene Eneya akatuka.

Yoane 11:33

Lino Yesu walola ukuti Maliya akulila pamwi na Ayuda kwene amusukilile ala yakulila, auvwa ulanda cuze mu mwenzo.

Mako 15:34

Lyene lino ilanzi lyatemba (3 koloko) Yesu alaizya ni izwi likulu ati, “Eloi, Eloi, lama sabakatani?” Cikusenula ukuti, “Leza wane, Leza wane, pacani wantazyela.”

Mako 8:12

Lelo Yesu aisya umwenzo avwanga ati, “Uzye pacani cino antu amu mukulo uu yakalonda cilangililo ca cinjelengwe? Cumi namunena, kusi cilangililo ca cinjelengwe cimwi cino cingacitwa ku antu yaa.”

Milimo 9:40

Lyene Petulo afumya yonsi mu muputule, afukama pansi apepa. Alino aseleukila ku cala ati, “Tabita, katuka!” Lyene Tabita azyuka, nga lino walola Petulo, akatuka.

Yoane 11:43

Pacisila lino wavwanga vii, alaizya ni zwi likulu ati, “Lazalo, fuma.”

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

Yoane 17:1

Lino yesu wamala kulanda, alingamila kwiyulu avwanga ati, “Tata, kasita kati kiza. Sokolola lulumbi lwa Mwana wako kuti Mwana wako nawe asokolole lulumbi lwako.

Yoane 11:38

Nupya Yesu auvwa ulanda cuze, nga akatuka aya kwi lindi, lino ilyali ni iwe pa mulyango.

Yoane 11:35

Yesu alila.

Luka 19:41

Lyene lino wapalama ku musumba, aulolekesya, nga aulilila,

Luka 18:42

Yesu ainena ati, “Lyene lolanga. Utailo wako wakupozya.”

Luka 7:14

Lyene apalama akumya icintamba, na antu asenzile icintamba iimilila. Yesu avwanga ati, “Mulumendo, nakunena, katuka!”

Mako 1:41

Yesu aya na mizu kunoli, atambalika ikasa lyakwe amulemelela. Amunena ati, “Nkasi, pola!”

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Kufuma 2:23

Lino papita imyaka ivule, umwene wilya waku Eguputo afwa. Lelo aina Izlaeli ala yacili yakucula mu uzya, nga inkuta yao yuvwika kuli Leza.

Mako 7:35

Lilyo kwene umuntu atandika kuvwa, nu lulimi lwakwe lusapulwa.