Mako 7:22 - Amazwi Yakwe Leza 2013

²² kulongozya, lunkumbwa, vintu vyonsi viipe, intumpu, ukowezi, uzuwa, kutumpwila, vilumba, nu utumpe.

Mako 7:22 Referans Kwoze

Mateo 20:15

Uzye ntakweti nsambu yakucita cisuma cino nkasi pa mpiya zyane? Uzye pacani wanzuwila pa nsambu yane.’ ”

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

1 Petulo 2:15

Pano Leza akulonda kuti vicitwa vinu visuma vileke kulanda kwa ututu kwa antu awelewele kusile.

2 Kolinto 10:5

nga ni citutumusi cino cikalenga kuti muntu ali wensi atamanya Leza. Swemo tukaongola melenganyo ya antu nu kulenga kuti yayela Klistu.

Mateo 6:23

Lelo manso inu ndi yasi ningo, mili inu ilazulamo mfinzi. Caleka luswepo ululi munomuli ndi lwasenuka lwaya mfinzi, mfinzi iyo imaya ikulu cuze.

Kasambilizya 7:25

Lelo naipezile pamulandu wa kusambilila pakuzana amano. Nalondesya ukuzana amano, alino nu kuzana amaasuko yakuzana amano, alino nu kuzana amaasuko yaku mauzyo yane. Nupya nalondanga ukusambilila vino uyi waya, vino uwelewele waya, na vino kutumpa kwaya.

Mapinda 28:22

Amanso yamakumbukila yakalondelela ivyuma, ukwaula nu kumanya ukuti upina ulayalondelela.

Mapinda 27:22

Nanti sile wapondenkanya iciwelewele na cisaka umu cina, uwelewele wakweco utangafuma.

Mapinda 24:9

Iciwelewele ca muntu cikaelenganya sile ivya maifyo, uwa mitumfyo, akapatikwa uku antu.

Mapinda 23:6

Utalya nu muntu walusoko, utakumbwa ni vilyo vyakwe nanti vingazipa uli.

Mapinda 22:15

Ivicitwa vya uwelewele vyazula tupu umu mwana. Ali cino fwandi umukota ungazinga uwelewele wakwe ukutali.

Mapinda 12:23

Umuntu mucenjele akafisa amano yakwe, lelo iviwelewele vyene vikalanga uwelewele wakwevyo apaswe.

Masamu 10:4

Umuntu umwipe asisakamala pali Yawe. Pano mu mwenzo wakwe akati, “Leza asi cimwi?”

2 Milandu 32:31

Nanti sile lino na alasi yaku Babiloni yatumile uku kumuuzya ivyapa cinjelengwe cimwi icacitike umu mpanga ilya, Yawe wamutazyezile apakumwezya nu kulola ivili umu mwenzo wakwe.

Malango 28:56

Nanti sile umwanaci kwene uwavyalwa ku lupwa lucindame, umukama cuze cakuti konsi kuno akuya ala yakumunyemula sile, nawe kwene alacita icili conga.

Malango 28:54

Nanti sile umonsi kwene uwa vyalwa ku lupwa lucindame, umufyeleke nupya uwacipale ni cilumba, nawe kwene alapelelwa pa nsita ino anisi inu yalalizizya imisumba cakuti alalya ana yakwe yamwi pamulandu wa kuntakwata cimwi cakuti alye.

Malango 15:9

Mutakezye kukana ukukongwesya umwi icintu cimwi, pamulandu wakuti umwaka wakusuula inkongole wapalama. Mutakezye ukwelenganya ukwipe ukwa musango uu kuye mu myenzo inu. Ndi cakuti mwakana ku kongwesya umunyonko, ale lyene wene alailizyanya kuli ne Yawe, nga namwe mulaya nu mulandu.

Masamu 119:36

Umpeele umwenzo uwakulondesya ukuyela amasunde yako ukuluta ukuya umukama.

Ezaya 59:7

Mwemo insita zyonsi sile mukasimwilila uku kucita iviipe. Mukapamviwa ukuzwisya uwazi wakwe yayo akaele. Imyelenganyizizye inu iya lufyengo sile. Inzila zinu izya kutamola nu kukuululula.

Ezaya 59:13

Swemo twakusangukila we Yawe, twafumya amano kunuli, twakana nu kukulondela wewe we Leza witu. Swemo tukacuzya antu yauze nu kukusangukila. Vino swemo tukaelenganya ivyaufi sile.

Yelemiya 17:9

“Uzye aweni angatezya vyamu mwenzo wa muntu? Mwene mwazula ucenjezi uwa misango yonsi, nupya uwipe wakwe cimwi.

Mako 7:21

Pano kufuma mukasi, mu mwenzo wa muntu, mukafuma amelenganyo yankota akamutungulula ku kucita ivya winyi, uwivi, kukoma,

Mako 7:23

Amelenganyo ya yonsi a nkota yakafuma mu mwenzo wa muntu nu kumukowezya.”