Mako 7:21 - Amazwi Yakwe Leza 2013

²¹ Pano kufuma mukasi, mu mwenzo wa muntu, mukafuma amelenganyo yankota akamutungulula ku kucita ivya winyi, uwivi, kukoma,

Mako 7:21 Referans Kwoze

Yelemiya 17:9

“Uzye aweni angatezya vyamu mwenzo wa muntu? Mwene mwazula ucenjezi uwa misango yonsi, nupya uwipe wakwe cimwi.

Mateo 15:19

Pano mu mwenzo mukafuma amelenganyo yankota akamutungulula ku kukoma, kulongozya, nu kucita vintu vya winyi, uwivi, umboni waufi, kutumpwila.

Milimo 8:22

Lyene zenzuka ku kwelenganya kwako kwipe, nu kupepa ku Mwene pakuti akwelele pa kwelenganya icintu wakwe cii.

Ezekelo 38:10

Vii ivyalanda Yawe Simwandalali kuli Gogi, apa wanda ulya, amelenganyo yaliza umu mano yako, nu kuteyanya ulateyanya amapange aipe.

Mateo 9:4

Lino Yesu wamanya vino yakwelenganya mu myenzo yao ayauzya ati, “Uzye pacani mukwelenganya viipe mu myenzo inu?

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Yakobo 2:4

ale lyene muli nu mulandu wakucita upinguzi uno wimikwa pa kwelenganya kwipe.

Mapinda 4:23

Apa vintu vyonsi uwasunga umwenzo wako. Pano umwaya intulo izikapela umi.

Luka 16:15

Yesu ayanena ati, “Mwemo mukaizifilizya pa manso ya antu lelo Leza wamanya vyaya mu myenzo inu, pano vintu vino antu yakaelenganya ukuti vyacindamisya kunoyali ala ivya winyi pa manso yakwe Leza.

Ezaya 59:7

Mwemo insita zyonsi sile mukasimwilila uku kucita iviipe. Mukapamviwa ukuzwisya uwazi wakwe yayo akaele. Imyelenganyizizye inu iya lufyengo sile. Inzila zinu izya kutamola nu kukuululula.

Masamu 53:3

Yonsi pyu yamufutatila. Yonsi pyu pano yapela, yakowela. Pasi nanti wenga akacita ivisuma, nanti wenga uwambezu.

Masamu 14:3

Yonsi pamwi yapumba inzila yakowela. Kusi muntu nanti wenga akacita ivisuma, kusi nanti wenga.

Loma 7:8

Lelo kupitila mwi sunde kwene lii amuno iifyo lyazana umweko nu kukatusya ulunkumbwa lwa misango yonsi munondi. Pano kwaula Masunde, ale ni iifyo kwene litangacita cimwi.

Milimo 5:4

Lino utali ukazye calo, uzye citali icakwako? Na lino wakazizye calo, uzye impiya zitali zyakwako? Uzye pacani wasolola kucita cintu camusango uu? Utatumposile antu, lelo watutumpoka kuli Leza.”

Mapinda 15:25

Yawe akaongolola ing'anda ya muntu uwa vilumba, lelo wene akaimika umupaka wakwe mukamfwilwa.

Masamu 14:1

Iciwelewele umu mwenzo wakweco cikati, “Leza kutaya.” Yene yafuma umu nzila, ni vicitwa vyao ivyansonyi. Kusi muntu nanti wenga akacita visuma.

Yobo 25:4

Uzye kwaya umuntu akacita vyaololoke pa manso yakwe Leza? Uzye umuntu uwavyalwa ku mwanaci angaya uli uwaula imifitalila?

Yobo 14:4

Aweni fwandi wino ungazana umuswepe apa antu akowele? Kusi nanti wenga!

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

Utandiko 6:5

Lino Yawe walola vino inkota zya antu zyavulisya na vino ukwelenganya kwao lyonsi kwaya ukwipe,

Loma 7:5

Pano lino twikalanga mu untunze, Masunde yakatwisye vilondwa vya mili itu viipe nu kuleta imfwa.

Masamu 53:1

Iciwelewele umu mwenzo wakweco cikati Leza kutaya. Antu ya mwata ndi uo yononeka umu mano. Nupya ivicitwa vyao ivyawinyi. Kutaya nanti wenga akacita ivilungame.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Masamu 119:36

Umpeele umwenzo uwakulondesya ukuyela amasunde yako ukuluta ukuya umukama.

Ezaya 59:13

Swemo twakusangukila we Yawe, twafumya amano kunuli, twakana nu kukulondela wewe we Leza witu. Swemo tukacuzya antu yauze nu kukusangukila. Vino swemo tukaelenganya ivyaufi sile.

Yelemiya 16:12

Lelo mwemo mwifya ukuluta yaso. Si lolini vino cila wenga akulondelela ulukumbwa lwa mwenzo wakwe wiipe, ukwaula nu kunguvwa foo.

Mako 7:20

Atwalilila nu kuvwanga ati, “Icintu cino cikafuma mu mwenzo wa muntu icingamukowezya.

Mako 7:22

kulongozya, lunkumbwa, vintu vyonsi viipe, intumpu, ukowezi, uzuwa, kutumpwila, vilumba, nu utumpe.

Kolose 3:5

Mutaleka mili inu yamutungulula. Mulinzile kukoma vilondwa viipe vya mwili vino vikuomba munomuli, wakwe vii, kulongozya, vya winyi, nsuna, cipyu, lwiswa (pano lwiswa u musango wa upefi wa tuluwi.)