Mako 6:46 - Amazwi Yakwe Leza 2013

⁴⁶ Pacisila ca kupakasyanya na antu, apita aya akwela umwamba ku kupepa.

Mako 6:46 Referans Kwoze

Mako 1:35

Lyene katondo tondo pa macaca, Yesu akatuka afuma mu ng'anda. Alino afuma mu musumba aya ku cifulo ukwali cele, ku kupepa.

Mateo 6:6

Lelo mwemo, lino mukupepa, ingilini mu muputule winu uwa mukasi, nga lino mwayala cisasa, mupepe kuli So asyaloleka. Na So akalola vino mukacita mu nkama alamupeela cilambu.

Luka 6:12

Mu manda yalya Yesu waile ku mwamba ku kupepa. Alola uca, ala akupepa kuli Leza.

Mateo 14:23

Pacisila lino waleka maumba yapita, apita aya akwela mwamba ku kupepa wenga. Lino kakuku katola wali wenga sile kweneko.

1 Petulo 2:21

Leza uwamusolwile kuti mupite mu macuzi lino mukulondela mu ntampulo zyakwe Klistu. Wene wamupeela cilangililo ca kucula kwakwe pamulandu winu.

Mako 6:47

Lino kakuku katola, alondezi yali mu wato pali yemba pakasi, Yesu wene wali wenga pa nkumba yakwe yemba.

Milimo 18:18

Paulo watenzi na ina Klistu amanda aingi mu Kolinto, lyene ayapakasya, apatama mu wato pamwi na Pulisila na Akwila, nga yaya ku Silya. Lino yatali yapatame mu wato pa Kenkelea Paulo apela lukuzu kulingana nu mulapo uno walafile kuli Leza.

Milimo 18:21

Apa kupita lino akuyapakasya, ayanena ati, “Ndawela nupya kunomuli, ndi Leza akasi.” Alino apatama mu wato, afuma ku Efeso.

2 Kolinto 2:13

Lelo nasakamikwe cuze, pano naposiwe kuzana mwina witu Tito. Caleka napakisye antu kweneko nga mpita ku Makedoniya.