Mako 6:20 - Amazwi Yakwe Leza 2013

²⁰ oopanga Yoane pano wamanyile vino Yoane wacitanga ivyawololoke nupya wali uwamuzilo. Caleka amucingilila. Watemwanga kuvwa kunoli, nanti angala vino walandanga vyamuzungulanga.

Mako 6:20 Referans Kwoze

Mateo 21:26

Nupya tutangati, ‘Wafumizye ku antu!’ Swemo tukoopa antu pamulandu wakuti yene yasininkizya vino Yoane wali akasema.”

Mateo 14:5

Helodi walondanga kukoma Yoane, lelo oofile Ayuda pano yene yataile vino Yoane akasema.

Yoane 5:35

Yoane wakoline wa kuyengesa kwi lampi lino likwaka, nga namwe mutemwa kuzangila mu luswepo lwakwe pa nsita inono sile.

Mako 11:18

Yasimapepo akalamba na yakasambilizya ya Masunde, lino yuvwa cii, yatandika kulonda inzila yakuti yakomelemo Yesu. Lelo yamoopanga, pano iumba lyonsi lyazungwike pa usambilizyo wakwe.

Mako 4:16

Antu yamwi yakoline wa mbezu izyaponile pa lwala. Lino yuvwa mazwi yakwe Leza, lilyo kwene yayapokelela nu luzango.

Danieli 5:17

Danieli nawe aasuka umwene ati, “We mwene uisungile sile vyawila wako nanti uvipeele ku muntu muze. Musambazi nemo namakuwelengela vilembelo nu kukunena muno viile.

Danieli 4:27

Acino lyene, we musambazi, londela umpandamano wane. Ta ukwifya, wacita visuma, nupya ya nu luse ku antu akucuziwa. Ndi wacita vivyo, lyene ulatwalilila kuya nu longo.”

Danieli 4:18

“Cii, cili ciloto cino ne Nebukadineza nalosile. Lyene, we Belitesyazali, unene muno ciile. Pano kusi nanti wenga muli yampandamano amu wene wane wino ataposiwe ukunena muno iciloto ciile. Lelo wemo ungacita cico, pamulandu wakuti umupasi wakwe yaleza yamuzilo uli munuli.”

Ezekelo 33:32

Kuli alio waya wa lwimbo lwa citemwiko, luno yakaimba usaka nu kulizya ingoma. Pano yene yakauvwa amazwi yako, lelo kusi nanti wenga wino akayalondela.

2 Milandu 26:5

Wene waipile kuli Leza pa manda yonsi yano Zakaliya wamusambilizyanga pa kukwatila Leza icoopo. Na lyonsi lino waipile kuli Yawe, Leza wamupeelanga ulongo.

2 Milandu 24:2

Lyene Yoasyi wacitanga ivyawololoke pa manso yakwe Yawe amanda yonsi ya umi wakwe simapepo Yeoyada.

2 Yamwene 13:14

Kasema Elisya walwile indwala yakumulya. Lino wasikilanga, Yeoasyi umwene waku Izlaeli waile ku kumufwilizya. Alino alila nu kulila ati, “Owe tata we! Tata we! Awewe waali kacingilila wamaka uwa ina Izlaeli!”

2 Yamwene 6:21

Lino umwene waku Izlaeli wayalola, auzya Elisya ati, “We musambazi wane, uzye njakome? Uzye njakome yaa?”

1 Yamwene 21:20

Lino Aabu walola Eliya, avwanga ati, “Uzye wanzanikizya we mwanisi wane we?” Eliya aasuka ati, “Ee, natinkuzanikizya, watuyelezya sana ukucita vya winyi pa manso yakwe Yawe.

Kufuma 11:3

Lyene Yawe alenga kuti aina Eguputo yacindike aina Izlaeli. Mucumi, inkombe zyakwe Falao pamwi na antu aina Eguputo yaweni ukuti Mose umuntu umwi mucindame cuze.

Milimo 2:12

Onsi kwene yazunguka yapeziwa mano nga yauzyanya yati, “Uzye cii, cikusenula cani?”

Milimo 5:24

Lino musika wa Ng'anda ikulu yakwe Leza na yasimapepo akalamba yuvwa mazwi yaa, yazunguka.