Mako 6:14 - Amazwi Yakwe Leza 2013

¹⁴ Lyene mwene Helodi auvwa vintu vii vyonsi, pano impwelo ya pali Yesu yalanga yati salangana konsi. Antu yamwi yavwanzile yati, “Yoane Kawatizya watazyukuka kufuma ku afwe. Acino akwatile na maka akucita ivinjelengwe.”

Mako 6:14 Referans Kwoze

1 Tesalonika 1:8

Pamulandu winu, Ilandwe lya Mwene lyasalangana konsikonsi mu Makedoniya nu mu Akaya. Ndakai mpwelo ya pa utailo winu muli Leza yuvwika konsi mu nsi. Acino lyene tutakweti cimwi ca kulanda pamulandu wakwelyo.

Luka 13:31

Pa kasita kaka yamwi amu Afaliseo iiza kuli Yesu yamunena yati, “Fuma kuno pitanga, pano Helodi akulonda kukukoma.”

Luka 3:1

Cali mu mwaka uwalenga ikumi na isano ala Kesa Tibelyasi umwene waku Loma, lino Pontio Pilato nawe wali umulasi wa mpanga ya Yudeya. Helodi wali kateeka wa mpanga ya Galile. Na Filipi mwina wakwe wali kateeka wa mpanga ya Itulia na Tulankoniti. Lisaniya nawe wali kateeka wa mpanga ya Abilene,

Mako 8:28

Nao yaasuka yati, “Yamwi yakati wewe Yoane Kawatizya. Yamwi yakati wewe Eliya. Alino yamwi nao yakati wewe umwi wamuli yakasema.”

Mako 1:45

Lelo umuntu apita atandika kusalanganya ilandwe konsi konsi, cakuti Yesu aposiwa kwingila mu muzi paswe. Pamulandu kwene uu, aikala ku cifulo ukwali cele, na antu izanga kunoli kufuma konsi konsi.

Mako 1:28

Lyene lilyo kwene impwelo ya pali Yesu isalangana konsi mu muputule wa mpanga ya Galile.

Mateo 9:31

Lelo yene yapita nu kusalanganya ilandwe mu mpanga ilya yonsi.

2 Milandu 26:15

Mu Yelusalemu namo wapanzile yamasyini, yano yafundi yetetwile, akuomvya apa kufiika inceto nu kuvwinta amawe akulu ukufuma apa mpungu nga na pa matungi akusolelapo. Nu lulumbi lwakwe ilusalanganila konsi konsi, pasi pano Leza wamwazwilizyanga sana mpaka akoma wakwe cimwi.

2 Milandu 26:8

Aina Amoni yasonkanga imisonko kuli Uziya, nga nu lulumbi lwakwe ilusalangana konsi mpaka nu ku mupaka waku Eguputo, pamulandu wakuti wene wali uwamaka wakwe cimwi.

Luka 9:19

Nao yaasuka yati, “Yamwi yakati wewe Yoane Kawatizya. Yamwi yakati wewe Eliya. Alino yamwi nao yakati wewe umwi wamuli yakasema yampiti uwatazyukuka kufuma ku afwe.”

Ayebulai 2:4

Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.

Luka 7:17

Ilandwe lya pali Yesu lisalangana mu mpanga yonsi ya Yudeya nu mu mpanga zyuze izya zingulwike.