Mako 4:38 - Amazwi Yakwe Leza 2013

³⁸ Yesu wali ku mpinda ya wato, ala watakasula asamile musamilo. Alondezi yakwe yamuzyula yati, “Kasambilizya, uzye utasakamile ndi vino tuli pipi nu kuundwa?”

Mako 4:38 Referans Kwoze

1 Petulo 5:7

Ikini masakamiko inu pali Leza, pano wene akamusakamala.

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

Mateo 8:25

Lyene alondezi yakwe yaya kunoli, yamuzyula yati, “Mwene tutuule, pano tuli pipi nu kuundwa!”

Luka 8:24

Nao yamuzyula, yati, “Kasambilizya, Kasambilizya! Tuli pipi nu kuundwa.” Yesu azyuka, alesya cipupu na maimbi, navyo vimyalala nga kuya cele.

Ezaya 64:12

Ale lyene we Yawe, wemo ukuti uli pali vivyo vyonsi? Uzye utange ucitepo cimwi? Uzye umatutazyela vikwene twalukucula apapela ukucula?

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Yoane 4:6

Kuku ukwali ni cifula cakwe Yakobo. Yesu walanga watatonta nu lwendo, nga aikala pipi na pa cifula. Cali manye lino ilanzi lyafika umutwe papela (12 koloko).

Ezaya 63:15

Yawe sungala ulolekesye ukufuma ukwiyulu. Lolekesya pano nsi ukufuma ku cifulo cako calulumbi! Uzye ukutusakamala kwako, amaka yako, nu kulonda kwa mwenzo wako vyaya kwi? Ala utaezya ukutwilila!

Nyimbo zya ndosya 3:8

Nga nalino napunda ntulwe, Leza wene kusi kusumba kweneko na mano.

Mateo 22:16

Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Mako 4:37

Mukupumikizya cipupu cikatuka, na maimbi yatandika kupuma mu wato, cakuti wato wali pipi nu kuzula manzi.

Mako 4:39

Yesu akatuka, alesya cipupu ati, “Myalala!” Alino anena na maimbi ati, “Lalini!” Lyene cipupu cimyalala, nga kuya cele.