Mako 4:32 - Amazwi Yakwe Leza 2013

³² Lelo pacisila cakumela lukula luya wa cimuti, nga cikulisya kuluta vilimwa vyonsi vya mu calo. Cimuti ciya ni misambo ikulu cuze cakuti vyunyi viluka vinsanzo mu misambo ya cisao cauko.”

Mako 4:32 Referans Kwoze

Masamu 91:1

Wiyo uwaya ku kuzina kuli Leza wapapelapela, umu mapa ya cisao cakwe Umweneco Wamaka yonsi,

Nyimbo zya ndosya 4:20

Yalemile intulo ya umi witu, wiyo wino Yawe wasolola, wino twataile mwenemo ukutucingilila ku muzanzi ali wensi.

Ezaya 32:2

Nayo yalaya kwati ali yakucingilila antu uku muza. Kwati ali yano yalapusukilako uku cipunga caku ufumondaka. Yalaya wa tunguzi twa manzi utwaya mu lwanga, ungati ali cisao ca mulunda umu mpanga yumalale.

Ezaya 11:9

Apa Mwamba wamuzilo patalaya nupya ivya uluku uluku, nanti ivya ononyi, apamulandu wakuti impanga ilazuula mwenemo amano akumanya Yawe, ndi vino yemba wazula mwenemo amanzi.

Lwimbo lwakwe Solomoni 2:3

Wakwe vino umu apo ukaya pakasi ka vimiti vyamu mpanga, avino nu mukundwe wane waya pakasi ka aonsi. Nemo nakunda cuze ukupuuza mu cisao cakweo, ni viseekwa vyakweo pasi pakulyompa mu kanwa kane.

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Masamu 104:12

Uku miti iyaya umu mbali mbali ya nguzi, ali kuno ivyunyi vikalukila ivinsanzo nu kulila ali kuno vikalilila.

Ezekelo 17:23

Ndaulema pa mwamba umwi utalimpisye mu Izlaeli. Wene ulalemuka uce ukakule ukatumbe ni misambo iingi, nga nu kuseeka iviseekwa. Ulaya umuti umwi utalimpisye. Ivyunyi vya misango yonsi akuno vilaikala, nu kuuwa mu misambo yakweo.

Mateo 13:32

Nanti angala lwacepesya pa mbezu zyonsi, lelo ndi lwamela, lukulisya kuluta vilimwa vyonsi vyamu calo, nga lukula luya wa cimuti cakuti ni vyunyi viluka vinsanzo mu misambo yakweo.”

Mako 4:31

Ukoline wa lumbezu lwakwe musunta, luno lwacepesya pa mbezu zyonsi zino zikatewa mu musili.

Mako 4:33

Mu milumbe iingi wakwe uu, amuno wakosolanga mazwi yakwe Leza kunoyali, kulingana vino yangiluka.