Mako 4:31 - Amazwi Yakwe Leza 2013

³¹ Ukoline wa lumbezu lwakwe musunta, luno lwacepesya pa mbezu zyonsi zino zikatewa mu musili.

Mako 4:31 Referans Kwoze

Milimo 19:20

Mu musango uu uwa maka amuno mazwi ya Mwene yasalangine kuluta, yaomba umulimo na maka.

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Milimo 21:20

Pacisila ca kumuvwa, yonsi yalumbanya Leza. Lyene yanena Paulo yati, “Mwina witu Paulo, watulola, vino Ayuda mazimbi aingi yati yataila muli Klistu nga nupya yaipelesya kuyela Masunde yakwe Mose.

Milimo 5:14

Lelo antu nayauze ataile mu Mwene, yailundanyanga kwi umba nu kuluta. Lyali iumba likulu lya onsi na anaci kwene.

Milimo 4:4

Lelo antu aingi auvwile Ilandwe lilya yataile, ni mpendwa ya alondezi ikulilako kufika manye mazimbi yasano.

Milimo 2:41

Lino aingi yuvwa ilandwe lyakwe, yalipokelela, nga yawatiziwa. Uwanda kwene ulya antu kulingana na mazimbi yatatu yailundanya kwi umba.

Zakaliya 12:8

Pa nsita iyo ne Yawe ndacingilila aina Yelusalemu cakuti nu tupopo twao kwene tulakwata amaka ali yamwi kwene na yano umwene Davidi wakweti. Ana yakwe Davidi ali yano yalayatungulula wa mungeli wane ne Yawe.

Zakaliya 2:11

Mu nsita kwene iyo antu ya mitundu avule yaliza kuli Yawe, uku kuya antu yakwe. Nawe alaikala apakasi kinu, nu kwiluka muliluka ndi vino Umweneco Wamaka yonsi aliwe wantuma kuno muli.

Ezaya 60:22

Nanti sile aka lupwa kamwi akanono, akasilesile, kalasuka kaye umutundu umwi uwamaka! Ivintu vivyo nemo ndavicita zuwazuwa insita ilingane ndi yafikila. Umucumi anene kwene ne Yawe navwanga!”

Ezaya 53:12

Ali mulandu kwene uno nani ndamuteka pamwi apa cindame, apakasi ka yacindami nupya a maka. Pano umweneco kwene uwayazumilizye ukuti yangamukoma nu kuti yamucitile icili conga ni ntalanganyi. Fwandi aliwe wasungutile pali yakaifya avule apakuyapapatilako apa kwifya kwao.

Ezaya 53:2

Ala Yawe umweneco aliwe walanzile ukuti umuomvi wakwe akulile pa cinso cakwe wa muti uwalemwa apume ndi, pano imisisi ikulepola umusili apakutamba pansi. Atalolekanga umucindame nanti umuyembe, cakuti swemo tumwikeko amano. Atakweti usuma uwakuti swemo twalondelela kweneko.

Ezaya 9:7

Uwene wakwe ulandalila konsi konsi. Ulasyukila ulongo ulutalasila. Wene alikala apa cifulo ca wene wakwe Davidi nga nu kuteeka uwene wakwe. Wene alausimpa nu kuukomya umu ulungami nu mu ololoke. Ukutandikila sile pali ndakai ukufika na pano insi ilasilila. Ee, cumicumi, avino Yawe Wamaka yonsi alafikilizya cico.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Mako 4:30

Yesu ayauzya ati, “Uzye Wene wakwe Leza tumaukolanya na cani? Uzye mulumbe ci uno tumaomvya pa kuulondolola?

Mako 4:32

Lelo pacisila cakumela lukula luya wa cimuti, nga cikulisya kuluta vilimwa vyonsi vya mu calo. Cimuti ciya ni misambo ikulu cuze cakuti vyunyi viluka vinsanzo mu misambo ya cisao cauko.”

Luka 17:6

Mwene nawe ayanena ati, “Ndi mukweti utailo ukulu wa lumbezu lwakwe musunta, munganena umusamvu uu, muti, ‘Itukule wemwisikulu kumwi ni misisi, ukaileme muli yemba,’ nao ungamuyela.”