Mako 4:27 - Amazwi Yakwe Leza 2013

²⁷ Alala nsita ya usiku, nga lino waca azyuka azana vino imbezu zyati zimela zikukula. Lelo atamanyile icikucitika.

Mako 4:27 Referans Kwoze

Kasambilizya 11:5

Vino umupasi ukaingila mu mwana mu ndilwa yakwe nyina na mwe antu kwaula ukumanya, avino mutange mumanye vino Leza waumvile ivintu vyonsi.

2 Tesalonika 1:3

Mwe ina itu, tulinzile kutaizya Leza nsita zyonsi. Catuzipila kucita cii, pamulandu wakuti utailo winu ukukula cuze nga nu kutemwana pakasi kinu kukukulilako.

Kasambilizya 8:17

Lelo utange uvwikisye vino Leza akacita. Nanti ungezya na maka yonsi, utange uzane. Antu yamano yakaitunga ukumanya, lelo mucumi yatamanya.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

Mako 4:26

Yesu nupya avwanga ati, “Uwene wakwe Leza ukoline na vii! Umuntu watile imbezu mu calo cakwe.

Mako 4:28

Umusili ukakuzya ivyakulya, inkolelo umwenje ukaloleka alino umutwe, nga ku mpela musante uzilemo impece.