Mako 4:24 - Amazwi Yakwe Leza 2013

²⁴ Nupya ayanena ati, “Ikini amano pali vino mukuuvwa! Pano cilingilo cino mukalingila auzo acino namwe Leza alamulingila nu kuluta.

Mako 4:24 Referans Kwoze

Ayebulai 2:1

Cili cino tulinzile kwika mano cuze ku mazwi ya cumi yano tuuvwa, nu kukana tintilwa kuze.

Luka 8:18

“Caleka ikini amano pali vino mukuuvwa, pano wino wensi akweti wene alapeelwa navyuze, na wino wensi atakweti cimwi nawe alapokwa nu tunono tuno akwelenganya kuti akweti.”

Mateo 7:2

Pano vino mukapingula auzo avino namwe mulapingulwa. Pelini namwe mulapelwa. Mulapelwa cilingilo cisuma cisindelwe, pano cilingilo cino mukalingila auzo, acino namwe Leza alamulingila.

Milimo 17:11

Antu ya kuku yene yali atekele kuluta aku Tesalonika. Yakutike kwi landwe nu muzonda, na cila wanda yasambililanga amalembelo pa kusininkizya vino Paulo walandanga ndi vya cumi.

2 Kolinto 9:6

Mwiusye ukuti muntu wino akata imbezu zinono sile, wene alazombola vinono. Na wino akata imbezu zingi wene alazombola vingi.

Yoane 10:27

Mfwele zyane zikauvwa izwi lyane. Nazimanya nga nazyo zikandondela.

Mapinda 19:27

Mwanane, lino ulata sile ukuvwa uku masunde ya mano, lyene ale utalalengela ukusuula navino wamanya mpiti.

Ezaya 55:3

Teini amatwi mwize kunondi, munguvwe pakuti imyenzo inu isyukile uumi. Namapangana namwe upangano wa pee, uwaluse uno nalavile Davidi.

Yoane 5:25

Cumi namunena vino, kasita kakwiza, nupya kati kafika, lino afwe yaluvwa izwi lya Mwana wakwe Leza. Lyene yano aluvwa izwi lyakwe yalaya nu umi.

Mako 9:7

Lyene ikumbi liiza liyavimba, ni zwi lyuvwika kufuma mwi kumbi liti, “Wii, Mwanane mukundwe, mwamuvwa!”

Yoane 10:16

Nkweti mfwele nazyuze zino zisi zyamu citata cii. Nazyo kwene namala nde nzilete. Ziluvwa izwi lyane nga zilaya ufyo onga nu mucemi wenga.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

1 Petulo 2:2

Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.

Yelemiya 17:21

Uyanene ukuti ndi cakuti yakulonda ukwikala ningo, yatalinzile ukusenda iciviya cimwi icinyome apa wanda wi Sabata. Yatalinzile ukupisya icinyome apa mpongolo zya musumba wa Yelusalemu.