Mako 4:20 - Amazwi Yakwe Leza 2013

²⁰ Lelo antu yamwi yakoline wa mbezu izyaponile pa musili uvunde. Yakauvwa mazwi yakwe Leza, nu kuyapokelela, nu kuseeka vizao, yamwi makumi yatatu, yamwi makumi mutanda, na yamwi umwanda onga.”

Mako 4:20 Referans Kwoze

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

Luka 8:15

Imbezu izyaponile pa musili uvunde, ayao yano ndi yuvwa mazwi yakwe Leza, yayapokelela nu mwenzo usuma uwakuyela. Caleka yaposya kufika lino yaseeka vizao.”

Mako 4:8

Lelo imbezu zimwi ziponela pa musili uvunde, nga lino zyamela zikula nu kuseeka vizao vivule. Zimwi makumi yatatu, zimwi makumi mutanda, nga na zimwi umwanda onga.”

Mateo 13:23

Imbezu izyaponile pa musili uvunde ayao yano ndi yuvwa mazwi yakwe Leza, yuvwikisya nu kumanya. Yene yakaseeka vizao vivule, yamwi umwanda onga, yamwi makumi mutanda, nga na yamwi makumi yatatu.”

2 Petulo 1:8

Vii vili vintu vino mulinzile kukwata. Ndi mwavulilwa vintu vii, vyene vilamulenga kuti mwaombesya na maka pa kumanya Mwene witu Yesu Klistu.

Utandiko 26:12

Isaki walimile ivyakulya mu mpanga ilya, nga mu mwaka ulya wazombwile maila umwanda ukuluta vino wakomile, pano Leza wamupolelile.

Loma 7:4

Ali vino cili na kuli mwemwe mwe inane. Pano mwemwe vilundwa vya mwili wakwe Klistu, mwafwa pamwi naliwe ku Masunde yakwe Mose. Ndakai mwemwe yakwe Klistu, wino uwazyukwilwe kufuma ku afwe, pakuti twatumikila Leza ningo.

Yoane 15:16

Asi mwemwe mwansolwile, lelo nene namusolwile nu kumutuma kuti mukaseeka vizao vingi, vino vikaikalilila. Caleka Tata alamupeela consi cino mulamulenga mwi zina lyane.

1 Tesalonika 4:1

Pa kumalila, mwe ina itu, mwemo mwasambilile kunotuli pali vino mulinzile kwikala pakuti muzanzye Leza. Endi, vivyo kwene avino mukaikala. Lyene ndakai mwi zina lya Mwene Yesu tukumupapata nu kumukonkomezya kucita cili conga nu kuluta.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Mateo 13:8

Lelo imbezu zimwi ziponela pa musili uvunde, nga lino zyamela, zikula nu kuseeka vizao vivule, zimwi umwanda onga, zimwi makumi mutanda, nga na zimwi makumi yatatu.”

Yoane 15:2

Tata akasisya misambo yonsi muli nene ino isyaseeka vizao, nga yonsi ino ikaseeka, yene akaitungwila kuti izifiwe nu kuseeka vizao vingi.