Mako 2:26 - Amazwi Yakwe Leza 2013

²⁶ Mu manda yano Abiata wali a Simapepo Mukulu, Davidi wingile mu ng'anda yakwe Leza nu kulya mikate iyaziliziwe kuli Leza, ino masunde yazumilizya yasimapepo sile ukulya. Alino wapile na antu yano wali nao.”

Mako 2:26 Referans Kwoze

2 Samueli 8:17

Zadoki, umwana umonsi wakwe Aitubi, pamwi na Aimeleki umwana umonsi wakwe Abyata yali a yasimapepo. Selaya wali a kalemba uwamu cilye ica milandu.

1 Milandu 24:6

Amu mupanda wakwe Eleaza na wakwe Itamali yalekelana ukupendola. Lyene kalemba, Syemaya umwana wakwe Netaneli, wino wali umwina Levi, alemba mazina yao. Yakambone yakwe aeya: umwene, ivilolo, simapepo Zadoki, Aimeleki umwana umonsi wakwe Abyata, nga ni ntunguluzi zya ndupwa zyakwe yasimapepo ni zya ina Levi

1 Samueli 21:1

Davidi aya ku Nobu, kuli simapepo Aimeleki. Aimeleki azakaza sile pa kumukomenkanya nga amuuzya ati, “Uzye pacani cino wapita sile wenga pa kwiza kuno, ukwaula nu wakukusukilila?”

1 Yamwene 4:4

Benaya umwana wakwe Yeoyada, wali a musika mukalamba uwa vita. Zadoki na Abyata yali a simapepo.

1 Yamwene 2:22

Umwene Solomoni aasuka nyina ati, “Uzye pacani cino ukulenga kuti Abisyagi umwina Syunemu atwalwe kuli Adoniya? Limwi ungalengela Adoniya nu wene kwene, pano wene a tatalenzi nupya wene ali ku lusansa longa na simapepo Abyata nga na Yoabu umwana wakwe Zeluya.”

1 Yamwene 1:7

Adoniya alanzyanya na Yoabu umwana wakwe Zeluya nga na Abyata simapepo, nga nayo iyalemana nawe pa kumutungilila.

2 Samueli 20:25

Syeva wali a kalemba wamwi tengo. Zadoki na Abyata yali a yasimapepo.

2 Samueli 15:35

Yasimapepo Zadoki na Abyata yalazanwa kweneko. Ali yano ulayanena vyonsi vino uluvwa umwi sano lya mwene.

2 Samueli 15:29

Acino Zadoki na Abyata iyasenda Mbokosi ya Upangano yakwe Leza iyaiwezya ku Yelusalemu nga iyikala kweneko.

2 Samueli 15:24

Simapepo Zadoki pali pamwi na ina Levi akuno yali, ale yakusenda ni Mbokosi ya Upangano yakwe Leza. Iyika Mbokosi ya Upangano yakwe Leza pipi na simapepo Abyata suka antu yonsi iyafuma mu musumba iyapita.

1 Samueli 23:9

Lino Davidi wamanya ukuti Saulo watapanga ukumukoma, anena Abyata simapepo ati, “Ndetele cakuzwala ca efodi.”

1 Samueli 23:6

Lino Abyata umwana wakwe Aimeleki utwike aya auminkana na Davidi ku Keila, wene wasenzile ni cakuzwala ca efodi.

Mateo 12:4

Davidi wingile mu ng'anda yakwe Leza, nga aliwe pamwi na yao ali nawe yalile mikate iyaziliziwe kuli Leza, ino umuntu sile atalinzile kulya suka sile yasimapepo?

Mako 2:25

Yesu nawe aasuka ati, “Uzye mutawelenga cino Davidi wacisile lino wene na antu yano wali nao yulilwe nupya yuvwile inzala?