Mako 16:9 - Amazwi Yakwe Leza 2013

⁹ Pacisila lino Yesu wazyukuka kufuma ku mfwa, katondo tondo pa wanda wakutandika mulungu, aloleka inkolelo kuli Maliya uwaku Magadala, wino wafumizyemo mipasi yankota cinimbali.

Mako 16:9 Referans Kwoze

Luka 8:2

pali pamwi na anaci yamwi yano wapozizye kufuma ku mipasi yankota ni ndwala zyuze. Anaci yaa yali a Maliya (Wino yatangi waku Magadala), wino mipasi yankota cinimbali yafumiwe munoli.

Yoane 20:12

nga alola angeli yaili yazwite vizwalo vitiswe. Angeli yao yatenzi pano icala cakwe Yesu cali lino atali azyukuke, wenga ku mutwe nu muze ku ntambalilo.

Mako 15:47

Maliya uwaku Magadala na Maliya nyina wakwe Yosefu yalola vino icala cakwe Yesu calalikwa.

Luka 24:10

Anaci yaya yali a Maliya uwaku Magadala, Yoana na Maliya nyina wakwe Yakobo, nga na anaci yauze ali nao, yano yalandile atumwa vintu vii.

Mateo 27:56

Pali yaa, pali Maliya uwaku Magadala, Maliya nyina wakwe Yakobo na Yosefu, nga nu muci wakwe Zebedi.

Mako 15:40

Kwali anaci yamwi katalamukila ala yakulolekesya. Pali yaa, pali Maliya uwaku Magadala, Maliya nyina wakwe Yakobo umwance na Yosefu, na Salome.

Umbwilo 1:10

Pa wanda wa Mwene Mupasi Wamuzilo aikila panondi nga nuvwa izwi likulu, lino ilyuvwikike kwati lya ntandala, ala likulanda ku cisila cane.

1 Kolinto 16:2

Cila wanda uwakutandika mulungu cila wenga uwa munomuli alinzile apaatule impiya zimwi pa mbali nu kusunga kulingana na vino walonka, pakuti kutakaye kusangula kwa mpiya lino ndiza.

Milimo 20:7

Pa wanda wakutandika mulungu tukongana pali pamwi ku kumokoola umukate wa wina. Paulo avwanga ku antu, atantalizya kuvwanga kufika usiku pakasi, pano wali nu kupita uwanda walondelela.

Mako 16:8

Caleka yafuma mwi lindi, yasimula ala yakuuvwa intete nu kuzakaza cuze. Lelo yatanenyile nanti umwi, pano yuvwile intete. [

2 Yamwene 5:4

Naamani aya ku musambazi wakwe nga amunena ati, “Umukazyana wilya wino twalemile ku Izlaeli watanena ukuti ndinzile mpite ku Samaliya, kuti kasema wilya akaikala kweneko akampozye.”