Mako 15:46 - Amazwi Yakwe Leza 2013

⁴⁶ Yosefu wakazile insalu itiswe yamutengo nupya isalale. Alino aisya icala pansi, acipomba mu nsalu, nga aya aciika mwi lindi lino yafukwile mwi we. Lyene akunkulusizyapo iwe likulu pa mulyango wi lindi.

Mako 15:46 Referans Kwoze

Ezaya 53:9

Yamulalike ku mbiko apali ponga na yakaifya. Wazisilwe pamwi na akama. Nanti wene atatazile acite vya ukakasi, nanti ukulapa ivyaufi mu kanwa kakwe.”

Yoane 11:38

Nupya Yesu auvwa ulanda cuze, nga akatuka aya kwi lindi, lino ilyali ni iwe pa mulyango.

Ezaya 22:16

“Uzye wemo papo pano uli wewe weni?

Luka 23:53

Lyene aciisya pansi, acipomba mu nsalu itiswe yamutengo, nga aciika mwi lindi lino yafukwile mwi we, umutatazile mulale umuntu.

Mateo 28:2

Awe lilyo kwene kuya ni cilundumusi cikulu, pano mungeli wa Mwene wika mwiyulu, aiiza akunkulusya iwe, alifumya nga aikalapo.

Mako 15:45

Pacisila lino uvwa kuli musika, Pilato azumilizya Yosefu kuti asende icala.

Mako 15:47

Maliya uwaku Magadala na Maliya nyina wakwe Yosefu yalola vino icala cakwe Yesu calalikwa.

Yoane 11:41

Alino yasisya iwe. Lyene Yesu alingamila kwiyulu avwanga ati, “Tata, nakutaizya pano wanguvwa.

Yoane 20:1

Katondo tondo pa wanda wakutandika mulungu, lino kucili mfinzi, Maliya uwaku Magadala aya kwi lindi, nga alola vino iwe lyati lisisiwa pa mulyango wi lindi.