Mako 15:32 - Amazwi Yakwe Leza 2013

³² Lekini Katuula uwalavilwe, mwene wa Izlaeli, aike pa lupanda kuti tulole nu kutaila.” Alino na yano atanyilwe pamwi nawe, nao kwene yamusoweka.

Mako 15:32 Referans Kwoze

Mateo 27:44

Vivyo kwene ni vipondo ivyatanyilwe pamwi nawe, navyo kwene vimusausya.

2 Timoti 2:18

Yene yasya inzila ya cumi nupya yakavulunganya utailo wakwe yao ataila apa kulanda ukuti kuzyukuka kwa afwe kwacitika mpiti.

Mateo 1:17

Caleka mikulo yonsi kufuma kuli Abulaamu kufika kuli Davidi yali ikumi na ini, nu kufuma kuli Davidi kufika ku kusendwa mu uzya ku Babiloni yali ikumi na ini, nga kufuma mu uzya mu Babiloni kufika ku kuvyalwa kwakwe Katuula uwalavilwe mikulo nayo yali ikumi na ini.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Zefaniya 3:15

Ala Yawe wene watalovya anisi inu, Watalovya yayo yonsi akamucuzya. Yawe uwamuteeka mwemwe mwe ina Izlaeli, ali namwe, fwandi kusi icakuti mwaoopa foo.

Ezaya 44:6

Yawe, Umwene wa ina Izlaeli, Yawe Wamaka yonsi, wavwanga wati, “Nene wankolelo nga nu wakusyalikizya. Kutaya Leza namuze, suka sile nene nenga.

Loma 3:3

Nanti angala yamwi munoyali yatali akutailwa, uzye kuntaya akutailwa ukungalanga ukuti Leza nawe ataya uwakutailwa?

Yoane 12:13

Caleka yatoola makambalala ya mikoma, yazuka yakumukomanya yasanzika mazwi yati, “Mucinzi upelwe kuli Leza! Walongo awiyo akwiza mwi zina lya Mwene! Walongo a Kateeka wa Izlaeli!”

Yoane 1:49

Natanaeli avwanga ati, “Kasambilizya wewe Mwana wakwe Leza! Wewe Mwene wa Izlaeli!”

Mako 15:26

Cimanyisyo ca mulandu uno wapilwe calemvilwe pa cimpampa papela citi, “Mwene wa Ayuda.”

Mateo 27:42

“Watuulanga auze, lelo wene atangaituule! Ndi cakuti wene Mwene wa Izlaeli, lekini aike ku lupanda ndakai kwene. Lyene tumataila!

Mako 15:27

Lyene yatana vipondo viili pali pamwi na Yesu, conga kwi kasa lilunji ni cuze kwi mani lyakwe. [