Mako 15:24 - Amazwi Yakwe Leza 2013

²⁴ Lyene yamutana pa lupanda, yankana ni vizwalo vyakwe, yapendola pakuti yalole vino cila muntu amapelwa.

Mako 15:24 Referans Kwoze

Luka 23:34

Lyene Yesu avwanga ati, “Tata, uyelele, pano yatamanyile cino yakucita.” Lyene pakwankana vizwalo vyakwe yapendola.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Milimo 5:30

Yesu wazyukwike kufuma ku afwe ku maka yakwe Leza wa vikolwe vitu, pacisila lino mwamukoma pa kumupampamila pa lupanda.

Malango 21:23

ale lyene mutalinzile kusya umwili uwo pa cimuti. Mulinzile kuzika umwili, pamulandu wakuti umwili uno iyatana pa cimuti ukaleta citipu cakwe Leza pa mpanga. Muziike umwili uwo, pakuti mutakowezya impanga ino Leza akupeela kunomuli.”

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.