Mako 15:14 - Amazwi Yakwe Leza 2013

¹⁴ Pilato ayauzya ati, “Uzye pacani? Uzye wataifya cani?” Nao yasanzika mazwi yao nu kuluta, yati, “Atanwe pa lupanda!”

Mako 15:14 Referans Kwoze

Luka 23:41

Swemo catulingana ukuvunukwa, pano tukupokelela cilambu ciine ni milimo itu. Lelo pasi cintu cimwi ciipe cino umuntu wii wacita.”

1 Petulo 1:19

Lelo yene uwazi wamutengo wa mpolelwa yakwe Klistu, wino wakoline wa mwana wa mfwele uwaula indema nanti iyala.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Milimo 19:34

Lelo lino yamanya vino wene u Muyuda, yapundila capamwi icili cimwi pa nsita ziili yati, “Mukulu a Alitemi uwaku Efeso!”

Yoane 19:6

Lino yasimapepo akalamba na yakalinda ya Ng'anda ikulu yakwe Leza yamulola, yasanzika mazwi yao yati, “Atanwe pa lupanda! Atanwe pa lupanda!” Pilato ayanena ati, “Mwemwe kwene musendini mukamutane, pano kwene nemo ntamuzanyile nu mulandu.”

Yoane 18:38

Alino Pilato auzya ati, “Uzye cumi icani?” Lyene Pilato afuma, aya nupya ku Ayuda, nga ayanena ati, “Ntamuzanyile nu mulandu wakuti avunukwe.

Luka 23:47

Musika wa mpuka ya vita lino walola vino ivyacitike alumbanya Leza, ati, “Cumi umuntu wii wali uwakaele!”

Luka 23:21

Lelo yasanzika mazwi yao, yati, “Atanwe pa lupanda! Atanwe pa lupanda!”

Luka 23:4

Lyene Pilato anena yasimapepo akalamba nga ni iumba ati, “Umuntu wii ntamuzanyile nu mulandu.”

Mateo 27:54

Musika wa mpuka ya vita na yano wali nao, alindanga Yesu, yuvwa cilundumusi nu kulola vyonsi vyacitike. Alino yuvwa intete nga yavwanga yati, “Cumi, wene wali Mwana wakwe Leza!”

Mateo 27:19

Lelo lino Pilato watenzi pa cilimba ca kuputwila milandu, muci atuma izwi kunoli ati, “Utacita cintu nanti cimwi ku muntu wiyo uwakaele, pano usiku nali nalota vintu vingi pamulandu wakwe.”

Mateo 27:4

Lyene ayanena ati, “Nati nifya pa kukoopa umuntu uwakaele kuti afwe.” Nao yamunena yati, “Uzye cico cingatusakamika? Wewe umanye vyakucita.”

Ezaya 53:9

Yamulalike ku mbiko apali ponga na yakaifya. Wazisilwe pamwi na akama. Nanti wene atatazile acite vya ukakasi, nanti ukulapa ivyaufi mu kanwa kakwe.”

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Masamu 69:4

Antu akantandika uku mpata, yati yaya anyanya. Yavulisya nu kuluta inyele zyakumutwe. Yakasomba yaufi, akansombezye ukwaula umulandu uno nacita, yakalonda sile umwakuti mfwile. Nkapatikiziwa ukulipa vino ntiya.

Mako 15:13

Nao yasanzika mazwi yao, yati, “Atanwe pa lupanda!”

Mako 15:15

Pilato walondanga kuzanzya iumba. Caleka ayasapwila Balaba. Lyene apingula kuti yume Yesu vikoti, nga ayapeela kuti yamutane pa lupanda.

Milimo 13:28

Nanti angala yatazanyile mulandu wa kumupingwila ukufwa, yuzya Pilato kuti apeele ilamulo kuti akomwe.