Mako 14:72 - Amazwi Yakwe Leza 2013

⁷² Lilyo kwene mukolwe alamula iila lyakwe ciili, na Petulo aiusya vino Yesu wamunenyile ati, “Lino mukolwe atacili alamule maila yaili, wemo umankana maila yatatu ale ukuvwanga vino utamanyile.” Lyene apongomoka, alila.

Mako 14:72 Referans Kwoze

Mako 14:30

Yesu anena Petulo ati, “Cumi nakunena vino usiku kwene uu, lino mukolwe atacili alamule maila yaili, wemo umankana maila yatatu ale ukuvwanga vino utamanyile.”

Mako 14:68

Lelo Petulo akana ati, “Nemo vivyo ntavimanyile. Nupya ntamanyile muno walozya.” Alino afumapo aya ku mulyango. Papo kwene na mukolwe alamula.

Ezekelo 7:16

Yayo alapusuka yalapukila mu myamba, lelo ndayakoma yonsi wa vipeele, cila muntu apa maifyo yakwe.

2 Kolinto 7:10

Pano ulanda uno Leza akaomvya wene ukuleta ukuzenzuka kuno kukatungulula ku ufyusi. Caleka mutalinzile kuvwa ulanda pali cii. Pano kuvwa ulanda wakwe vino amu nsi yakacita kwene kukaleta imfwa.

Luka 22:62

Alino Petulo afumila panzi, nga alila minsozi nu ulanda ukulu cuze.

Luka 22:60

Lelo Petulo amunena ati, “We muntu we, nemo ntamanyile cino ukuvwanga.” Lilyo kwene lino acili akuvwanga, mukolwe alamula.

Mateo 26:34

Yesu anena Petulo ati, “Cumi nakunena vino usiku kwene uu, lino mukolwe atacili alamule, wemo umankana maila yatatu ale ukuvwanga vino utamanyile.”

Ezekelo 36:31

Alino mulaiusya imipitile inu iipe yampiti, ni micitile inu yampiti iipe, alino lyene namwe kwene mulavipata pamulandu wa uyi wakwevyo nu winyi wakwevyo.

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

2 Samueli 24:10

Lelo pacisila lino Davidi wamala ukupenda antu, kampingu wakwe atandika ukucululuka, nga anena Yawe ati, “Natincita iifyo ilipisye apakucita icintu cii! Napapata unjelele. Nemo natincita icauwelewele.”

Mako 14:71

Alino Petulo alapa avwanga ati, “Ntamanyile umuntu wino mukulandapo. Ndi nkutumpoka Leza andye.”