Mako 14:61 - Amazwi Yakwe Leza 2013

⁶¹ Lelo Yesu aya cele, atavwanzile nanti cimwi. Nupya Simapepo Mukulu amuuzya ati, “Uzye wewe uli Katuula uwalavilwe, Mwana wakwe Leza Mupolelelwe?”

Mako 14:61 Referans Kwoze

Mako 15:2

Pilato nawe amuuzya ati, “Uzye wewe uli Mwene wa Ayuda?” Yesu nawe aasuka ati, “Watuvwanga.”

Ezaya 53:7

“Yamutakanyanga, ala yakumucuzya. Lelo wene atatazile azyansye, wayelanga sile, atatazile amamule akanwa. Wali wa mwana wa mfwele wino yakutwala ku kufyula ungati imfwele ino yakupela amavumbu, isiasamula akanwa.

Yoane 19:7

Iumba nalyo lyasuka liti, “Swemo twakwata isunde litu lino likati alinzile ukufwa, pano wene akuilanda vino Mwana wakwe Leza.”

1 Petulo 2:23

Na lino yamutusile, wene atavwanzile vya cilanduzi. Lelo wene wapaalilanga muli Leza, kapingula uwaula lufyengo.

Yoane 10:36

Nemo Tata wansolola nu kuntuma mu nsi. Uzye lyene mungati uli nkuvwanga mazwi ya misuli kuli Leza, pano inavwanga vino nene Mwana wakwe Leza?

Yoane 1:34

Nemo nati ndola cicitike, acino nkupeela umboni ndi vino wii ali Mwana wakwe Leza.”

Mateo 16:16

Simoni Petulo nawe aasuka ati, “Wewe Katuula uwalavilwe, Mwana wakwe Leza uwa umi.”

Mateo 8:29

Yakomanya Yesu, nga yapunda yati, “Yesu, we Mwana wakwe Leza, uzye ukulonda cani kunotuli? Uzye wati wiza kuno kuti utucuzye lino kasita katali kafike?”

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Masamu 119:12

Si leka yakulumbanye, we Yawe, unsambilizye ivyeo vyako!

Masamu 39:9

Namaikalanga cele, ukwaula ukuvwanga nanta cimwi, pano awewe watuleka kuti ncule vii.

Masamu 2:7

Caleka umwene wiyo akuti, “Nkuma imbila ino Yawe wanenyile, ati, ‘Wewe uli mwana wane umonsi, Nani ilelo nayaso.

1 Timoti 6:15

Klistu alaloleka pa nsita ino Leza wateyanya, Leza uwapolelelwa wenga sile ali kateeka. Wene Akateeka wakwe yakateeka nupya Mwene wakwe yamwene onsi.

1 Timoti 1:11

Usambilizyo usuma ukazanwa mwi Landwe Lisuma lino Leza, uwa lulumbi nupya uwa kulumbanya wampile.

Milimo 8:32

Iciputulwa ca malembelo pano wawelenganga cikati, “Wakoline wa mfwele iyasenzilwe ku kukomwa, wa kana ka mfwele akasiikavya lino yakukasenya amavumbu. Avino atamamwile mulomo.

Yoane 19:9

Alino aingila nupya mwi sano, nga auzya Yesu ati, “Uzye kuno wafuma aukwi?” Lelo Yesu ataaswike.

Yoane 18:37

Caleka Pilato amuuzya ati, “Uzye lyene wewe Mwene?” Yesu aasuka ati, “Watuvwanga vino nene Mwene. Navilwe nga nu kwiza mu nsi pamulandu onga sile wakuti ndande pamulandu wa cumi. Wino wensi waya uwa cumi wene akauvwa mazwi yane.”

Yoane 10:24

Caleka Ayuda yamuunganila nga yamuzya yati, “Uzye umatusya muli sisi manda yanga? Ndi wewe uli Katuula uwalavilwe tunene paswe.”

Mako 14:60

Simapepo Mukulu aimilila nkolelo yao, auzya Yesu ati, “Uzye usi na cakuvwanga pali vino yakukulongwela?”