Mako 14:40 - Amazwi Yakwe Leza 2013

⁴⁰ Lyene lino wawela ku alondezi nupya kwene azana yakaswile, pano manso yao ala yati yanyoma nu tulo. Lelo yatali na cakuvwanga.

Mako 14:40 Referans Kwoze

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Utandiko 44:16

Yuda aasuka ati, “Musambazi, uzye tuli ni cakuvwanga kunuli?” “Uzye tungapazya cani? Mulandu wene tukweti pano Leza watalenga kuti uyi witu usokoloke. Asi wenga sile wino azanyilwe nu lwako mwi saka lyakwe amaya muzya wako, lelo swensi kwene muno tuyelile ndakai twaya azya yako.”

Mako 14:39

Nupya aswilila ku kupepa, ala akuvwanga mazwi ali yamwi kwene.

Mako 14:41

Lyene lino wiza iila lyakwe citatu, ayanena ati, “Uzye mucili mukaswile nu kupuza? Icilingana! Kasita kati kafika! Lolini, Mwana wa Muntu akupelwa mu makasa yakwe yakaifya.

Luka 9:32

Petulo na auze yano wali nao ala yati yanyomelwa nu tulo. Lelo lino yazyuka yalola kuyengesa kwa lulumbi lwakwe Yesu na antu yaili aimi nawe.