Mako 14:36 - Amazwi Yakwe Leza 2013

³⁶ Apepa ati, “Tata, vintu vyonsi ivyangupale kunuli. Sisya ulwako luu lwa ucuzi kunondi. Kusi kulonda kwane, lelo kulonda kwako kucitike.”

Mako 14:36 Referans Kwoze

Galatiya 4:6

Leza watumile Mupasi wa Mwana wakwe mu myenzo itu, pakusininkizya ukuti sweswe ana yakwe, Mupasi wino akati, “Abba, Tata wane.”

Yoane 5:30

“Nemo ntangacita cimwi mu nsambu yane. Tata wanena vino ningapingula, nu upinguzi wane usi walufyengo pano nsyacita kulonda kwane, suka kulonda kwakwe Tata wino uwantuma.

2 Timoti 2:13

Ndi tusi akutailwa, wene amatwalilila kuya uwakutailwa pano wene atangaisomba.”

Yoane 12:27

“Ndakai nuvwa ulanda cuze mu mwenzo. Uzye namavwanga cani? Uzye namavwanga inti, ‘Tata, untuule mu kasita kaa ka macuzi?’ Lelo uli mulandu uno nizile, kuti mpite mu kasita kaa ka ucuzi.

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

Filipi 2:8

Wene waicefizye nu kuyela Leza kufika nu ku kufwa kwakwe ukwa pa lupanda.

Yoane 18:11

Lelo Yesu anena Petulo ati, “Swilizya lupanga lwako mu cipata caluko! Uzye ukwelenganya vino ntangamwa lwako lwa ucuzi luno Tata watampela?”

Mako 10:27

Yesu ayalolekesya ayanena ati, “Ku antu citangacitika, lelo kuli Leza cingacitika, pano vintu vyonsi Leza wene angacita.”

Yoane 4:34

Yesu nawe ayanena ati, “Cakulya cane, ukucita ukulonda kwakwe wino uwantumile, nu kumalila milimo yakwe ino wampeela kuti ncite.

Mateo 26:39

Apita katalamukila panono, afukama pansi ainime, nga apepa ati, “Tata ndi cingaya, leka ulwako luu lwa ucuzi lusisiwe kunondi. Kusi kulonda kwane, lelo kulonda kwako kucitike.”

Mateo 6:9

Acino mwemo mwapepa mukuti, ‘Tata witu uwa mwiyulu, Izina lyako licindikwe,

Yelemiya 32:27

“Lola, nene Yawe wa antu yonsi, uzye kwaya cino camposya?

Masamu 40:8

Ala nemo pasi pakutemwa ukucita vino wemo ukalonda, we Leza wane! Endi amasunde yako, nemo nkayawaka umu mwenzo wane.”

Utandiko 18:14

Uzye kwaya cimwi icatalila Yawe? Ndi vino mvwanzile ndawela pa nsita isontwe mwaka ukwiza, mu mwezi uwalenga fundimbali Sala alavyala umwana umonsi.”

Ayebulai 6:18

Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.

Mateo 26:42

Nupya aswilila iila lyakwe ciili, apepa ati, “Tata, ndi citangaya kuti lwako luu lwa ucuzi lusisiwe kunondi suka nkamwemo, leka kulonda kwako kucitike.”

Mako 14:37

Lyene awela azana alondezi yatatu yakaswile. Alino anena Petulo ati, “Simoni, uzye nawe ukaswile? Uzye usi na maka akupempula nanti aawa wenga?”

Mako 10:39

Nao yaasuka yati, “Tungacita.” Yesu ayanena ati, “Icacumi mungamwa mu lwako luno indi nu kumwelamo nu kuwatiziwa umu nzila ino indi nu kuwatiziwilamo.