Mako 13:14 - Amazwi Yakwe Leza 2013

¹⁴ “Lelo lino mulalola ‘Ca winyi ca ononyi’ cimilila pa cifulo cino citalinzile kuyapo.” (Kawelenga ailuke vino ci cikusenula!) Lyene yonsi ali mu Yudeya yakuutukile ku myamba.

Mako 13:14 Referans Kwoze

Danieli 12:11

“Ukutandikila sile lino ukupeela kwa mpolelwa zya cila wanda kulasila, kuli kuti, ukutandikila sile apa nsita ya cintu caononyi cakoofya, amanda 1,290 yalapita.

Danieli 9:27

Kateeka wilya alacita cipangano ningo na antu avule pa myaka cinimbali, nga lino citika wa nsita ii wapita, wene alaleta impela ku kupeela kwa mpolelwa na mawila. Caononyi Cawinyi cene cilimikwa pa kansonsi ka Ng'anda ikulu yakwe Leza nga cilasyala papa kwene ukufika lino impela ino Leza wamuteyanyizizya ilafika.”

Danieli 11:31

Asilika yakwe yamwi yalakowezya Ng'anda ikulu yakwe Leza. Yalaleka antu yate kupeela impolelwa zya cila wanda nga yimike ni Cawinyi ca Ononyi.

Umbwilo 13:18

Mulinzile kuomvya mano kuti mwiluke. Wino wensi mucenjele angapituluka nu kuzana vino mpendwa ya cilyanyi ikusenula, pano mpendwa ikaimilila izina lya muntu. Ni mpendwa yakwe myanda mutanda na makumi mutanda na mutanda (666).

Umbwilo 1:3

Walongo umuntu wiyo akawelenga lupapulo luu, walongo umuntu wino akauvwa ku mazwi yaa ausemo nu kuyela vino vyalembwa mu lupapulo luu! Pano insita yatipalama lino vintu vii vyonsi vilacitika.

1 Kolinto 14:20

Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

Danieli 8:13

Lyene nuvwile umungeli wenga akuuzya umuze ati, “Uzye ivintu vii ivyalolike mu cilolwa vimatwalilila ukufika lilaci? Uzye ukufika lilaci lino uyi wakofya ulatwalilila umu cifulo ca kupeela impolelwa zya cila wanda? Uzye amu mayulu kumwi ni Ng'anda ikulu yakwe Leza yalalyatolwa ukufika lilaci?”

Ezekelo 44:9

“Yawe Simwandalali nawe wavwanga wati, umwenyi, atasilamulwa umupasi nu mwili, atalingila umu Ng'anda yane ikulu, nanti sile awenga apa enyi yonsi yano yikala umu ina Izlaeli.”

Nyimbo zya ndosya 1:10

Anisi yatiyamupoka ivyuma vyonsi. Wene watailolela nakuno ainamasi yakwingila umu Ng'anda ikulu yakwe Leza, yao yano we Yawe wainda ukwingila muno antu yako yakakongana.

Mateo 13:51

“Lyene Yesu auzya alondezi yakwe ndi cakuti yati yamanya vintu vii vyonsi.” Nao yaasuka yati, “Endi, Mwene.”