Mako 12:29 - Amazwi Yakwe Leza 2013

²⁹ Yesu aasuka ati, “Isunde lyacindamisya aili, ‘Uvwini mwe ina Izlaeli! Mwene Leza witu ali Mwene wenga sile.

Mako 12:29 Referans Kwoze

Malango 6:4

“Uvwini, mwe ina Izlaeli! Yawe Leza witu, Yawe wenga sile, ali Leza witu.

Luka 10:27

Nawe aasuka ati, “Uwatemwa Mwene Leza wako nu mwenzo wako onsi, nu umi wako onsi, na mano yako yonsi, na maka yako yonsi. Nupya uwatemwa umuzo ndi vino waitemwa.”

Galatiya 3:20

Kwaya sile Leza wenga, nga Masunde nayo yatapilwe kwaula umuntu wakukundanya.

Loma 3:30

Leza a wenga, nupya alacita Ayuda kuya aololoke pa manso yakwe kupitila mu utailo wao. Na Akulukuwa nao kwene alayacita kuya aololoke pa manso yakwe kupitila mu utailo wao.

Yuda 1:25

Kuli Leza wiyo wenga sile Katuula witu, muli Yesu Klistu Mwene witu kunoli kuye ululumbi, ukulu, maka nu wangalizi, kufuma ku katalili, ilelo na manda pe. Ameni.

1 Kolinto 8:4

Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

Yakobo 2:19

Uzye wataila ukuti kwaya sile Leza wenga? Cisuma! Mipasi yankota nayo kwene yataila, nupya ikaoopa nu kuzakaza.

1 Timoti 2:5

Pano kwaya Leza wenga sile, nga kwaya nu wakukundanya wenga sile pakasi kakwe Leza na antu. Muntu wiyo a Klistu Yesu.

Malango 30:6

Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

1 Timoti 1:5

Pano twimilila pa kunena antu kukwata kutemwa kuno kukafuma mu mwenzo uswepe, nu kwelenganya kusuma nu utailo uwa mpomvu.

Mateo 23:9

Mutaama umuntu nanti umwi pano pa nsi muti ‘Tata,’ pano mwakwata So wenga sile, wino uwa mwiyulu.

Mateo 10:37

Wino wensi uwatemwa isi na nyina kuluta nene wene ataine kuya mulondezi wane. Na wino wensi uwatemwa umwana umonsi nanti kaci kuluta nene, wene ataine kuya mulondezi wane.

Malango 10:12

“Mwe ina Izlaeli, uvwini vino Yawe Leza winu akalonda kuti mwacita. Oopini Yawe Leza winu, mwalondela nu mu ntampulo zyakwe zyonsi. Mwamutemwa nu kumutumikila ni myenzo inu yonsi nu umi winu onsi,

Mapinda 23:26

Mwanane, ala sumba amano kuli vino nkukunena, uwalola vino nkaikala mu umi wane.

Masamu 86:10

Pano wemo wewe wamaka, nupya ukacita ni vyakuzunguka. Wemo wenga mpo, wewe uli Leza.