Mako 12:28 - Amazwi Yakwe Leza 2013

²⁸ Kasambilizya wa Masunde umwi apano wali ala akuuvwa vino yalandanga, na vino Yesu wapile Asaduki uwasuko usuma, alino auzya Yesu ati, “Pa Masunde onsi, uzye isunde cii likulu kuluta?”

Mako 12:28 Referans Kwoze

Luka 20:39

Lyene yakasambilizya ya Masunde yamwi yamunena yati, “Kasambilizya, wavwanga ningo!”

Mateo 19:18

“Nawe amuuzya ati, ‘Uzye masunde cii?’ Yesu amwaasuka ati, ‘Utakoma, utalongozya, utaiya, utatumpwila umuzo,’

Mateo 5:19

Caleka wino wensi asyayela isunde lyonga linono ilya mu masunde yaa, nu kusambilizya antu kucita vikwene, wene yalamucefya mu Wene wa mwiyulu. Lelo wino wensi akayela masunde yaa nu kusambilizya antu, wene yalamukuzya mu Wene wa mwiyulu.

Luka 11:42

“Kalanda kunomuli mwe Afaliseo! Mukapela kuli Leza cikumi ca pa vilimwa vyonsi ivikanunkizya vyakulya. Vili wakwe kanyenze ni vinzali nga navyuze vilimwa vyamu miyanda. Lelo mwatazyela cumi nu kutemwa kwakwe Leza. Mulinzile mwacita vii vyonsi, kwaula kutazyela vimwi.

Mateo 23:23

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukapela kuli Leza cikumi ca pa vilimwa vyonsi ivikanunkizya vyakulya vili wakwe kanyenze ni vinzali. Lelo mwatazyela vintu vikulu kuluta, vyamu Masunde wakwe vii. Upinguzi wa mulinganya, mizu nu ufuma cumi. Mulinzile mwacita vii vyonsi kwaula kutazyela vimwi.

Mako 9:14

Lyene lino iiza yuminkana na alondezi yauze, yalola iumba likulu cuze lyati liyazinguluka ala na yakasambilizya ya Masunde yamwi yakupazyanya nao.