Mako 12:17 - Amazwi Yakwe Leza 2013

¹⁷ Alino Yesu ayanena ati, “Pelini Kesa vyakwakwe, Leza nawe mumupele vyakwakwe.” Lyene yazunguka pa mivwangile yakwe.

Mako 12:17 Referans Kwoze

Loma 13:7

Mupele uteko vyonsi vino muli nu kupeela, kuli kuti musonko wa mwili nu musonko wa vintu vino mwakwata, nupya mwafukila yakateeka yonsi nu kuyacindika.

1 Petulo 2:17

Mwacindika antu onsi. Temwini aina Klistu ataila wakwe mwemwe. Oopini Leza nu kucindika Kateeka mukalamba.

Loma 6:13

Mutapela vilundwa vya mili inu ku maka yi ifyo, kuti viye viombelo vya kucitilako ukakasi. Lelo muipele kuli Leza, wa antu yano azyukulwa kufuma ku afwe nu kuya nu umi. Mupele vilundwa vyonsi vya mili inu kuli Leza, kuti viye viombelo vya kucita vyawololoke.

Mapinda 24:21

Mwanane, ala mwine uwakwatila Umwene Leza icoopo, uwakwatila na yamwene ya pano nsi umucinzi. Pali yoili kwene, utatalamila nanti wenga, nupya utalemana na yayo akatalamila yamwene yonsi yoili.

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

Mateo 22:46

Kutali umuntu nanti wenga wakuti amwasuke. Nupya kufuma pa wanda kwene ulya kutali umuntu nanti wenga wezizye kumuuzya iuzyo na lyuze.

Mateo 22:22

Lino yuvwa cii, yazunguka cuze. Caleka yamusya yapita.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Mako 12:30

Uwatemwa Mwene Leza wako nu mwenzo wako onsi, nu umi wako onsi, na mano yako yonsi, na maka yako yonsi.’

Mateo 22:33

Lino maumba yuvwa cii, yazunguka cuze pa usambilizyo wakwe.

Mapinda 23:26

Mwanane, ala sumba amano kuli vino nkukunena, uwalola vino nkaikala mu umi wane.

Mateo 8:10

Lino Yesu uvwa cii, azunguka cuze, anena yano amusukilile ati, “Namunena vino ntatala nalola umuntu wa utailo wakwe uu.

Mateo 22:21

Nao yamwasuka yati, “Ivyakwe Kesa.” Alino nawe ayanena ati, “Caleka pelini Kesa vyakwakwe, Leza nawe mumupele vyakwakwe.”

Mako 12:16

Nao yamuletela longa, nga ayauzya ati, “Uzye usyu uu, uwakwe weni? Uzye izina lii, ilyakwe weni?” Nao yamwasuka yati, “Ivyakwe Kesa.”

Luka 20:25

Nao yaasuka yati, “Ivyakwe Kesa.” Caleka nawe ayanena ati, “Lyene pelini Kesa vyakwakwe, Leza nawe mumupele vyakwakwe.”