Mako 12:14 - Amazwi Yakwe Leza 2013

¹⁴ Izile kuli Yesu yamunena yati, “Kasambilizya, twamanya vino ukavwanga icumi. Nupya usioopa umuntu. Wemo utaya na kasoozi. Lelo ukasambilizya Masunde yano Leza akalonda kuti antu yayela. Uzye ciine na Masunde yakwe Leza kuti twasonka kuli Kesa nanti foo?”

Mako 12:14 Referans Kwoze

1 Tesalonika 2:4

Mu cifulo cakwe cii, swemo lyonsi tukalanda wakwe vino Leza akalonda kuti tucite, pano wene walola ukuti twati tulinga kupelwa mulimo wa kukosola Ilandwe Lisuma. Tusyaezya kuzanzya antu, lelo tukaezya kuzanzya Leza, wino akaezya melenganyo itu.

Galatiya 2:6

Lelo yao alolekanga kwati intunguluzi, nkulanda cii kunoyali pano kunondi ntasakamile vino yali. Leza asyapingula umuntu ku milolekele ya kunzi. Intunguluzi zizyo zitalunda cimwi cipya kwi Landwe.

Galatiya 1:10

Uzye pakulanda vii nkwezya kuzanzya antu nanti Leza? Awe cisi vivyo! Nemo nkasi kuzanzya Leza! Uzye nkwezya kuti ndumbuke ku antu! Ndi avino nkwezya kucita, lyene ntangaya muomvi wakwe Klistu.

2 Kolinto 5:16

Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.

2 Kolinto 5:11

Twamanya vino cikasenula koopa Mwene, caleka tukaezya kukonkomezya yauze kucita cii. Leza watumanya mu ufumaluke, nupya nkupaalila vino mu myenzo inu naswe kwene mwatumanya.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

2 Kolinto 2:2

Pano ndi namulenga kuvwa ulanda, lyene aweni angasyala kuti ansansamusya? Suka sile antu kwene yano ningalenga kuvwa ulanda.

Yoane 7:18

Wino akuvwanga vyakwakwe, ala akuilondela mucinzi. Lelo wino akulonda mucinzi wakwe wino uwamutuma wene uwa cumi, nu usomvi usi munoli.

Loma 13:6

Nupya uli mulandu uno mukasonkela ni misonko, pano yakateeka aomvi yakwe Leza. Na lyonsi lino yakufikilizya kuomba milimo yao ningo, ala yakuombela Leza.

Luka 23:2

Alino yatandika kumulongwela, yati, “Twazana ukuti umuntu wii akutunkola antu amu luko lwitu kuti yatasonka musonko kuli Kesa nu kuilanda vino wene ali Katuula uwalavilwe.”

Luka 20:22

Uzye, ciine na Masunde yakwe Leza kuti, twasonka kuli Kesa nanti foo?”

Mako 14:45

Lilyo kwene lino Yuda wafika, aya kuli Yesu amunena ati, “Kasambilizya!” Lyene amutonsola.

Mateo 22:17

Lyene tunene vino ukwelenganya. Uzye ciine na Masunde yakwe Leza kuti twasonka kuli Kesa nanti foo?”

Mika 3:8

“Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Yelemiya 42:20

Namunena nati ndi cakuti mwala mwaluvyanya, ale mwailetelela, mwasumba sile umi winu. Alino nukuya, amwemwe mwantumile kuli Yawe Leza winu kuti inje mupapatile kunoli nu kuti ince munene na consi cino alavwanga, nga nu kuti muce mucicite.

Masamu 120:2

Imvwanga inti, “Untuule, we Yawe, uku antu yaufi nu ku antu asomvi.”

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Neemiya 9:37

Ivikufuma umu mpanga itu kwene vyene vikuya kuli yamwene yano lyene watupeela kuti yatuteeka pamulandu wa kwifya kwitu. Lyene yakuicitila consi cino yatemwa apa mili itu napa viteekwa vitu. Iye mwe! Ala tucule!”

2 Milandu 19:7

Acino muye antu ya coopo kuli Yawe. Mwasakamala imilimo inu pasi pano Yawe Leza witu asizumilizya ulufyengo nanti akasoozi nanti amafukakanwa.”

2 Milandu 18:13

Lelo Mikaya wene amwaasuka ati, “Nalapa umwi zina lyakwe Yawe uwa umi ukuti nemo namavwanga vino Yawe amanena.”

Malango 16:19

Yene yasi nu kuya nu lufyengo nanti akasoozi pa kupingula. Nupya yatalinzile ukutoola amafukakanwa, pano amafukakanwa yakapafuzya antu ya mano na acumi kwene, nu kuleka kuti yatapingula ningo.

2 Kolinto 4:1

Leza mu mizu yakwe watupela mulimo uu kuti twaomba. Acino tusyatonta.

Mateo 22:16

Yatuma alondezi yao nga na antu yakwe Helodi kuli Yesu yamuzya yati, “Kasambilizya twamanya vino ukavwanga icumi. Lelo ukasambilizya Masunde yano Leza akalonda kuti antu yayela. Wemo usioopa umuntu nupya utaya na kasoozi.

Mako 12:13

Lyene yamutumila Afaliseo yamwi na antu yakwe Helodi kuti yamuteye mu mauzyo.

Mako 12:15

Lelo Yesu amanya usomvi uwamu myenzo yao, ayanena ati, “Uzye pacani mukungezya? Letini lupiya longa kuno ndulole.”